تقديم
الستروك او السكتة الدماغية هي ملي الدم تيتوقف من التدفق لشي جهة فالدماغ. وطبعا الخلايا ددماغ لي تتحتاج للدم باش تغدا منو تتموت. لمنتبهش الواحد لهاد المرض بكري يقدر يسبب ليه خلل فالمخ او يقدر يقتل كاع.
كاينين جوج حالات معروفة دالستروك، الحالة اللولة ولي هي بحال السكتة القلبية هي ملي الدم تيتخثر او تيكرم فشي عرق وتيمنع الدم باش يسيركيلي فالمخ. والحالة التانية ملي تيتقطع شي عرق فخطرا.
شناهي الاعراض ديالو؟
- لوجه تيبدا يتنمل او يتشوك او يرقد عليك مرة مرة. ماشي من الشوك بحال ملي تترقد عليه الرجل.
- نقص فالنظر او ضبابة عل العينين بجوج او غا واحد.
- فقدان النطق او التلعتيم او تيولي صعيب تفهم اش تيقولو لخرين. تتوقف ليك الفهامة.
- حريق دالراس عل غفلة قاصح بلا سباب.
- فقدان التوازن او مشي مامقادش.
واش ممكن يتعالج؟
50 فالمية من الحالات ممكن تعالج لزرب الواحد عل راسو قبل مايفوت الفوت ويصعاب او يخرج عل الكونترول.
تعليق الفايس بوك
قم بكتابة اول تعليق