روتيني اليومي
روتيني اليومي وبالنگليزية My daily routine، هي طاهرة دالفيديوهات فقنوات يوتيوب ولي ظهرات بشكل كبير وعرفات انتشار فاواخر عام 2019 ولي من خلالها الواحد الوحدة تيدير فيديو خاص بالاعمال لي تيدير خلال النهار او بعض من الاعمال لي تيدير فالنهار. فعام 2020 ومع الحجر الصحي لي نتج عل فيريس كورونا الكوفيد 19، زادت الطاهرة تعرفات كثر، فالمغرب كيفما فالعالم كامل.
فالمغرب كان ومازال لغط عليها، حيث لي تيديروها بداو يجتاهدو فالطريقة دالتقديم وتيحاولو يبينو شوية من المحاسن او ايديرو شوية دالاثارة بلياس مزير باش يجيبو عدد اكبر من المتتبعين والزوار لفيديوهاتهم. فالمغرب الاغلبية كان ضد هاد الانحراف، وفنفس الوقت الاغلبية تيتابعهوم لنفس السبب الشي لي تيخلي منتجات هاد الفيديوهات ايزيدو يديرو الاثارة اكثر حيث تتساعد عل رفع عدد الزوار والمشاهدات وخاصة لي ماعجبهومش هادشي لي تيساعدو وبطريقة غير مباشرة فرفع الزوار عبر الانتقاد ولي هو طريقة للاشهار فابور. ورفع عدد لمشاهدات عندو نتيجة مباشرة فرفع الارباح لمستخلصة من الفيديوهات ولي تيقدمها يوتيوب لاصحاب هاد القنوات كجزء من الارباح الاشهارية لي تيتقاسمها يوتيوب مع مالين الفيديوهات.
ورقة تقنية عل روتيني اليومي
لسمية | روتيني اليومي |
صنف | فيديوهات |
نوع | برنامج |
تاريخ الانتشار | 2019 |
الموقع | يوتيوب، فايسبوك/ انستغرام |
الاهداف | ارباح / عمل / شغل / كوميسيون |
الرمز المغربي MM | mm5504 |
QR، كود روتيني اليومي
قم بكتابة اول تعليق