سيدي محمد العياشي

الرمز المختصر للمعلومة فقاعدة البيانات MM3021







سيدي محمد العياشي

شخصيات من التاريخ: سيدي محمد العياشي

سيدي محمد بن احمد العياشي المالكي الزياني والمعرف بالعياشي تولد ف 1563 وتوفى ف 1641. سيدي محمد العياشي هو ولي صالح ومجاهد قاوم السبليون والبرتغال فالقرن 17 من بعد ماضعافت الدولة السعدية ملي مات احمد المنصور الذهبي وتفرتك المغرب لدويلات واستغلات سبانيا والبرتغال الوضع وشدات المعمورة لي هي المهدية حاليا ف 1614 والعرائش ف 1610 كيفما شدات البرتغال ازمور ومزاغان. من بعد ماوقع ليه خلاف مع المورسكيون فمدينة سلا مدينتو لي كبر وتعلم فيها واتهم المورسكيون بالخيانة وتسليمهوم مدينة العرائش للسبليون علن الجهاد عل سبانيا واستطع يسترجع المهدية وفرض السلطة ديالو تا مدينة تازة، كيفما استرجع من قبل مازكان وازمور من البرتغاليين فالحرب لي دار معاهوم بين 1606 و 1615. هاد القضية لي خلات السلطان السعدي زيدان الناصر وبتآمر مع البرتغاليين يحاول ايقتلوه خوفا عل بلاصتو من بعد ما الناس ولاو يتبعوه. عملية الاغتيال هادي فشلات حيث السيد لي كان غادي باش ايقتلو صافط ليه علمو بشنو طلب منو السلطان السعدي ايدير وطلب منو يهرب قبل ما يوصل.

من بعد ماتقوات السلطة ديالو رجع ف 1627 سيدي محمد العياشي لمهاجمة سلا لي كانت تتمثل جمهورية بورگراگ من بعد ما الفقهاء شرعو حربو عل المرسكيون ملي تاهمهوم بالخيانة ونقل اخبار ومخططات الجهاد للسبلوين وهنا طلب المورسكيون الحماية من الدلائيون او الزاوية الدلائية لي كانو يسيطرو عل شمال وشرق المغرب وكانو مرشحين باش يعوضو السعدين فالحكم بجنب العلويين، او بالاحرى كانو فصراع مع العلويين شكون ايشد السلطة. من بعد ما المرسكيون لجأو للدلائيين، طالب الدلائيون سيدي محمد العياشي يسمح ليهوم، ولكن هو مابغاش القضية لي خلات الدلائيين يغضبو عليه ويحاولو يقتلوه حيث ماعجبهومش الحال شي حد يرفض ليهوم وفعلا داكشي لي كان استطعو ايقتلوف ف 1641 وهكدا خوا ليهوم السوق ومن بعدها شدو مدينة فاس وعلن محمد الحاج الدلائي راسو سلطان عل المغرب ف 1659 قبل ما العلويين غا يحيدوه ف 1663. من بعد الوفاة ديالو عوضو المجاهد احمد غيلان وكمل المسيرة ديالو من القصر الكبير.


ورقة تقنية عل سيدي محمد العياشي

سميات تتبدا بال: م
مُحَمد العياشي
معلومات شخصية
تاريخ الميلاد1563
الوفاة1641، سلا  
الرمز المغربي MM MM3021
اللقبالعياشي
الحياة العملية
المهنةسياسي  
الخدمة العسكرية
الرتبةمجاهد
المعارك والحروبمازاغان، المعمورة (المهدية الحالية)، العرائش

QR، كود سيدي محمد العياشي

QR، كود سيدي محمد العياشي

تعليق الفايس بوك
hespress
Author: hespress

كلشي عل المغرب




About hespress 6009 Articles
كلشي عل المغرب

قم بكتابة اول تعليق

اترك رد