الزاوية الدلائية
الزاوية الدلائية، او دلائيون او اهل الدلاء كانت حركة دينية ظهرات فالمغرب اسسها ابو بكر المجاطي ف 1566 فعهد السلطان عبد الله الغالب السعدي. الزاوية تاسسات من قبائل صنهاجة د آيت مجاط لي نتقلو من منطقة ملوية فالشرق واستقرو بأيت اديلا نواحي خنيفرة بالاطلس المتوسط فالقرن 15. فالقرن 17 ومن بعد الموت داحمد المنصور الدهبي ف 1603 الزاوية تقوات وولا عندها اتباع فجميع المغرب فالشمال فالشرق فبورقراق ومع التقسيم لي عرفو المغرب من بعد الموت د احمد المنصور الذهبي. حيث من سوس تا الدرعة كان تابع لزاوية او امارة ايليغ ، الرباط وسلا جمهورية مستقلة جمهورية بورقراق، الشمال الغربي حتى التازة كان تابع للمرابط العياشي او سيدي محمد العياشي ومنطقة تافيلالت للعلويين.
ومع طلوع السلطان مولاي زيدان السعدي ف 1613 والضعف لي كانت تعرفو الدولة السعدية استطعو الدلائيون يتوسعو فباق مناطق المغرب تطوان، القصر الكبير وفالشرق تا التازة ووجدة و ف 1641 من بعد ما قتلو سيدي محمد العياشي حاكم الشمال الغربي شدو فاس وغا يعلن محمد الحاج راسو سلطان المغرب ف 1659 من بعد موت آخر سلطان دالسعديين احمد العباس. السلطة لي ماغادومش كثير حيث ف 1663 استاطعو العلويين الجايين من تافيلات ايقلصو سلطتهوم ويخرجوهوم من فاس وغادي يفقدو كل السلطة فعهد مولاي الرشيد ف 1668. كانت محاولة لاحياء الزاوية مرة خرا بواسطة محمد ابن عبد الله الولد الصغير د محمد الحاج بمساعدة الاتراك ف 1677 ولكن مولاي اسماعيل غا يقضي عل الزاوية وغا يقبرها فخطرة وماعمرها ناضت لحد اليوم.
ورقة تقنية عل الزاوية الدلائية
الزاوية الدلائية | |
---|---|
الدلائيون | |
معلومات | |
تاريخ الظهور | 1566 |
النهاية | 1677 |
المناطق الخاضعة | الشرق والشمال الغربي وفاس |
الرمز المغربي MM | MM3019 |
الاوج | |
الحاكم | محمد الحاج |
كان قبلهم | السعديون |
لي جا بعدهوم | العلويون |
QR، كود الزاوية الدلائية
QR، كود الزاوية الدلائية |
---|
قم بكتابة اول تعليق