جمهورية بورقراق

جمهورية بورقراق

جمهورية بورقراق او جمهورية سلا، هي دولة مدينة تكونات ف مدينة سلا الحالية فالقرن 17. الجمهورية تدارت من حوالي 3000 من اغنياء المورسكين لي جاو من هورانتشوس من اسبانيا ولي كانو تفرضات عليهوم يتحولو المسيحية قبل ما يهربو المغرب واستقرو فسلا حاليا عل جنب بورقراق، هربو من اسبانيا ف 1609 قبل ما ما يامر فيليب التالت ملك اسبانيا بطرد جميع المورسكيين. من بعد 1609 تقريبا 10000 مورسكي خور تم طردهوم من سبانيا ودخلو المغرب واستقرو فالجهة الشرقية دبورقراق او الرباط حاليا.

مورسكيو سلا اشتغلو بالقرصنة البحرية او الجهاد البحري كي سماوه هوم وف 1624 كان رئيس الجمهورية الهولندي جان جانسزون او مراد الريس. ف 1927 من بعد ما الهولندي مراد الريس غادر ف1627 الموريسكيون رفضو يخلصو الضرائب للسلطان السعدي زيدان الناصر ولي كان تيحكم النص دالمغرب والنص لاخور تابع لخوه محمد الشيخ وعلنو جمهورية سلا مستقلة وتيسيرها ديوان مكون من 12 او 14 دالاعيان تيتم التصويت عليهوم فشهر ماي من كل عام. اغلب الاعيان كانو من مورسكيون لي جاو اللولين من هورناتشوس من 1627 تا 1630، القضية لي ماعجباتش المورسكين دالرباط لي جاو من بعد ماتطردو من سبانيا ولي كانو يسميو راسهوم الاندلسيين، لي كانت سباب فحرب دارت بيناتهوم ف 1630. من بعد هاد الحرب تافقو الرئيس ايكون من مورسكيون د الرباط حيت عندهوم العدد كبير دالناس والديوان او برلمان بلغة العصر يكون 8 من الرباط و8 من سلا.

ف 1641 جمهورية سلا دخلات فصراع مع الزاوية الدلائية وطبعا كانت فصراع مع الدولة العلوية بقيادة السلطان مولاي الرشيد بن علي، الزاوية لي كانت تاتكونترولي جزء كبير من المغرب، هاد الصراع لي انتقل الحرب ف 1960. وف 1668 السلطان الرشيد استولى عل الرباط وسلا وقضا عل الجمهورية من بعدا ماقضا عل الزاوية الدلائية ورحل شياخها الفاس وتلمسان.

ملخص: جمهورية سلا تكونات مابين : 1624 و 1668. عدد السكان كان 20 الف شخص، اللغة لي كانت مستعملة الاسبانية، المغربية، والفرنسية المساحة الكلية دالجمهورية كانت تقريبا 0.91 كلم مربع بين ضفتي بورقراق.

ورقة تقنية عل جمهورية بورقراق

جمهورية بورقراق جمهورية سلا
1627 – 1668  موقع جمهورية بورقراق على مصب نهر بورقراق.
عاصمة	القصبة
نظام الحكم	غير محدّد
اللغة الرسمية	الإسبانية  و المغربية
اللغة	الإسبانية، العربية، لغة مولدة
الديانة	إسلام سني (مالكي وصوفي)، يهودية، مسيحية
الأميرال الكبير (حاكم)
إبراهيم بارغاس (الأول)1614 – 1627 محمد فنيش (الأخير)- 1668
التاريخ
التأسيس1627 الزوال1668
الرمز المغربي MM	MM365

QR، كود جمهورية بورقراق

QR، كود جمهورية بورقراق

---