أبو حسون السملالي، هو علي بن محمد بن محمد بن أحمد بن موسى ولي تيتكنى ايضا بودمعة اوبودميعة هو امير امارة سوس او الدولة السملالية وزعيم وشيخ زاوية ايليغ او امارة ايليغ لي تأسسات فبلاد سوس ودرعة فالقرن 17 من بعد ضعف وسقوط الدولة السعدية. توفى ابو حسون السملالي ف 1659 وتاريخ الولادة غير معروف. كيف هو معروف من بعد ما مات احمد المنصور الذهبي ناض صراع بين ولادو عل السلطة فبايع ناس فاس المولى زيدان القضية لي ماعجباتش المراكشين يبايعوه بلا خبارهوم وناضو اهل مراكش بايعو ابا فارس بن المنصور ومن بعد استولى الشيخ المأمون الولد التالت د احمد المنصور الذهبي عل فاس وفنفس الوقت كان باقي المغرب مقسم بين الزاوية الدلائية ومورسكيو الرباط وسلا والعياشي فالشمال الغربي والخضر غيلان فالشمال فمدينة طنجة والعلويين فتافيلالت والبرتغالين والاسبان والنكليز فالمدن الساحلية. فهاد الصراع لي كان كل واحد حاول ياخد حقو من الكيكة وابو حسون السملالي كان واحد منهوم جمع عليه اهل سوس واسس مدينة ايليغ ودارها عاصمة لامارته وزاويتة ولي كانت ديجا عندها اتباع من جدو سيدي احمد اوموسى.
من بعد ماكون امارة ايليغ ف الفترة بين 1612 و 1622 بسوس استولى ابو حسون السملالي عل تارودانت وهنا فين غا يثور عليه الفقيه يحيى الحاحي ويحيدها ليه وتسنا ابو حسون السملالي تا 1626 ملي مات الفقيه يحيى الحاحي امير امارة تارودانت وغايدخل لتارودانت ومنها بدا يمد النفود ديالو فتافيلالت لي كانت تابعة العلويين بقيادة محمد الشريف وغا يشد درعة وسيجلماسة ف 1627 من بعد ما مات زيدان الناصر بن احمد السلطان السعدي.
توفى ف 1659 من بعد ما ضعافت سلطتو ملي سيطرو العلوين بقيادة محمد بن الشريف عل معظم المناطق لي كانت تابعة ليه فدرعة وسيجلماسة وهرب للسوس وخلفو ولدو أبو عبد الله محمد ابن حسون عل امارة ايليغ ولي غا يقضي عليه مولاي الرشيد الجاكم العلوي ف 1670 ملي غا ينزع منو مدينة تارودانت وغا لايليغ وغ يهدمها فخطرة.
ورقة تقنية عل ابو حسون السملالي
| ابو حسون السملالي | |
|---|---|
| حاكم، شيخ زاوية | |
| الفترة | 1612 – 1659م |
| معلومات شخصية | |
| الاسم الكامل | علي بن محمد بن محمد بن أحمد بن موسى |
| الميلاد | غير معروف غالبا اواخر القرن 16: 15XX سوس |
| الوفاة | 1659 ب ايليغ |
| مكان الدفن | ضريح سيدي السنوسي |
| الرمز المغربي MM | MM3029 |
| الديانة | الإسلام |
| سلالة | السملاليون |
| معلومات أخرى | |
| المهنة | سياسي |
QR، كود ابو حسون السملالي
| QR، كود ابو حسون السملالي |
|---|
 |
Author: hespress
كلشي عل المغرب
قم بكتابة اول تعليق