زيدان الناصر بن أحمد

زيدان الناصر بن احمد

زيدان الناصر بن أحمد، او زيدان الناصر بن أحمد السعدي الحسني او مولاي زيدان هوالسلطان التاسع د الدولة السعدية وحكم ما بين 1603 و 1627. زيدان الناصر بن أحمد جا للسلطة من بعد ما مات باه احمد المنصور الذهبي. وتوفى  ف 1627 وتم الدفن ديالو فقبور السعديين بمدينة مراكش. ملي مات احمد المنصور الذهبي بايعو ناس فاس المولى زيدان خليفة ليه، القضية لي ماعجباتش ناس مراكش وناضو بايعو ابا فارس بن المنصور خوه لي كان ولي عل مراكش. فالفترة ددفن احمد المنصور قام قائد الجيش د فاس بن ابي محلى مشا لمراكش يبايع ابا فارس ودا معاه عدد كبير دالجيش وفطريقو داز عل مكناس وخدا خوهوم التالت الشيخ المأمون لي كان محبوس فمدينة مكناس وسلمو لابا فارس، لي غيديرو عل راس الجيش باش ايحارب زيدان الناصربن احمد. وطلب ابا فارس السلطان المعين من بن ابي محلي باش يقتلو او يعتقلو الشيخ المأمون من بعد ما ينهزم زيدان باش ماينافسو حد. وقعات معركة بالقرب من واد ام الربيع بين زيدان وجيش خوه لي بايعوه ناس مراكش بقيادة الشيخ المأمون وانهزم زيدان الناصر ورجع لمدينة فاس وحاول بن ابي محلي يعتقل الشيخ المأمون من بعد الهزيمة ولكن ما قدرش عليه وهنا كمل الشيخ المامون لفاس لي بايعوه عليهوم وقلبو عل زيدان الناصر وهي فاش هرب المدينة وجدة طالب الحماية من الشرق ومن الاتراك بتلمسان. ملي تسگمات القضية للشيخ المأمون ففاس صيفط ولدو عبد الله بن الشيخ المراكش فديسمبر 26 عام 1606 ينهب ويخرب مراكش وداكشي لي دار.

رجع من بعد المولاى زيدان من تلمسان ومن بعد بزاف دالمحاولات شد مراكش وبايعوه ومشا حاصر فاس، هي فاش هرب الشيخ المأمون العرائش ومنها لاسبانيا. المعروف عل المولى زيدان هو كونو كان رجل علم ومعرفة وكانت عندو خزانة كتب كبير ومن خوفو عليها ملي كان تيتحارب مع بن ابي محلة كرا باخرة تحولها ليه للشمال وماغيطيح غا فقراصنة يسرقوها ليه ويديوها لسبانيا فيما يعرف بالخزانة الزايدية ولي مازال المغرب اليوم تيطالب باش يردها وحتى ال 2013 عاد سمحات اسبانيا باش تعطي المغرب نسخ من الخزانة المنهوبة.

---

السياسة الخارجية فعهد المولى زيدان

فعهد زيدان كانت اول علاقة بين المغرب وهولاندا ف 10 ديسمبر 1610 حيث تم تعيين سفير للمغرب بهولاندا اليهودي المغربي صامويل بلاش. ايضا تم ارسال سفراء الى فرنسا ودول اوروبية اخرى ومن السفراء لي تعينو فعهدو: ا أحمد الجزولي قاضي تارودانت وسوس وناصر قرطة والقائد يوسف بيكاستر وأحمد بن قاسم الحجري.

ورقة تقنية عل المولى زيدان

زيدان الناصر بن أحمد
سلطان المغرب
الفترة	1603 – 1627
تاريخ التتويج	الاثنين 16 ربيع الأول 1012 هـ 23 غشت 1603
معلومات شخصية
الاسم الكامل	زيدان بن أحمد المنصور الذهبي
تاريخ الميلاد	غير مضبوط 15XX
الوفاة	1627 م -1037هـ مراكش
مكان الدفن	ضريح السعديين
مواطنة	المغرب
الرمز المغربي MM	MM3022
أبناء	الوليد بن زيدان،  ومحمد الشيخ الصغير
الأب	أحمد المنصور الذهبي
أخوة وأخوات	أبو فارس عبد الله،  والشيخ المأمون
سلالة	سلالة السعديين
معلومات أخرى
المهنة	سياسي

---

QR، كود المولى زيدان

QR، كود المولى زيدان