ادريس البصري

ادريس البصري

ادريس البصري او الرجل القوي كي كان يتسمى فعهد حكم الملك الراحل الحسن التاني. تولد ادريس البصري بمدينة سطات ف 8 نونبر 1938 وتوفي بمدينة باريس بفرنسا ف 27 غشت 2007. بدا ادريس البصري لخدمة كوميسير بمدينة الرباط قبل ما يدخل لادارة وزارة الداخلية ومن بعدها غادي يولي وزير الداخلية فعام 1979 ولي غايبقا فالمنصب تا العام 1999 من بعد ماتوفى الحسن التاني.

وقبل مايولي وزير كان شتغل مدير دالمديرية العامة لمراقبة التراب الوطني او لي تتختصر “الدي اس تي ” فعام 1973 وتعين كاتب عام لوزارة الداخلية فهعام 1974 حتى العام 1979 فاش ولا وزير للداخلية. بالاضافة لوزارة الداحلية كان ادريس البصري وزير للاعلام من 1985 وفعام 1992 غايزيد تا منصب وزير الدولة حتى لعام 1994 فين غايبقا غا وزير الداخلية ووزير الدولة من بعد ما نفصلان وزارة الاعلام عل وزارة الدخلية. واشتغل هاد المناصب فعهد حكومة كريم العمراني وحكومة عبد اللطيف الفيلال واحتفظ بالداخلية فعهد حكومة عبد الرحمان اليوسفي فعام 1998. وغيبقا فالمنصب تا 1999 فين غايعفيه المليك محمد السادس من المنصب ويعطيه وسام الحمالة الكبرى. فعهد حكم محمد السادس غادي يعرف ادريس البصري تهميش هدا لي غايخليه يمشي ايعيش ففرنسا تا مات فيها نيت فعام 2007. وادريس البصري عندو دكتورة فعلم الاجتماع حصل عليها من جامعة گرونوبل بفرنسا.

تميزات فترة توليه السلطة باعتقالات وتجاوز فالسلطة وتعسف وفعهدو كان لي تيستسمى فترة الرصاص والحديد. هاد الفترة لي عرفات صراع عل السلطة كبير بين اليسار بجميع انواعو و القصر متمتل فالمليك الراحل الحسن التاني. هاد الصراع لي استمر تا العام 1998 فين غايوقع مايسمى بحكومة التوافق ولي غايشكلها اليسار بقيادة الراحل عبد الرحمان اليوسفي ولي غاتجمع بين احزاب اليسار واحزاب اليمين او احزاب السلطة كي تيسميها البعض.

من مؤلفات ادريس البصري

رجل السلطة.
الإدارة الترابية بالمغرب: النظام والتنمية.
الإدارة الترابية: التجربة المغربية.
النزاعات الإدارية في البلدان المغاربية.
اللامركزية في المغرب: من الجماعة إلى الجهة.

ورقة تقنية عل ادريس البصري

إدريس البصري
فعهد: الملك الحسن التاني
رئيس الوزراء: كريم العمراني، عبد اللطيف الفيلالي
وزير الداخلية
في المنصب مارس 1979 – نوفمبر 1999
معلومات شخصية
الميلاد	8 نوفمبر 1938 سطات
الوفاة	27 أغسطس 2007 (68 سنة) باريز
سبب الوفاة	كونسير الكبدة
الرمز المغربي MM	mm5481
الحياة العملية
المدرسة	جامعة غرينوبل
المهنة	سياسي
اللغات	الفرنسية، المغربية

QR، كود ادريس البصري