اغمات
اغمات قرية بنواحي مراكش، كانت مدينة او منطقة مهمة قبل ماتبنى مراكش. اغمات كانت هي العاصمة دالمرابطين قبل ماتكبر دولتهم واضطرو يحولو العاصمة المراكش. عدد السكان داغامات القرية هو 1.208 تيعيشو ف 247 اسرة والمجموع دالسكان دالجامعة القروية لي تابعة ليها هو 25.220 نسمة تيعيشو ف 4.808 اسرة فيهوم اغمات والدواور والقرى لي دايرة بها، هادشي عل حساب معطيات احصاء 2014 لي دارت المندوبية السامية دالتخطيط. واغمات دابا تابعة لدائرة ايت اورير واقليم الحوز بجهة مراكش اسفي. الرمز البريدي لجماعة اغمات هو: 42252.
| 07.041.03.11. | 4,808 | 25,220 | 28 | 25,192 | اغمات |
| 07.041.03.11.3. | 247 | 1,208 | 4 | 1,204 | مركز: اغمات |
وتتبعد اغمات عل مراكش ب 31.3 كلم والمدة دالسفر باش توصل ليها من مراكش تقريبا 42 دقيقة فالطريق الفرعية P2012 لي تتربط بيناتهوم.
تاريخ.
وكانت اغمات فعهد المرابطين تتستعمل كمنفى للمعارضين او اسرى الاندلس كالمعتمد بن العباد حاكم اشبيلية وعبد الله بن زيري ملك غرناطة من بعد ما اسرهم يوسف بن تاشفين ملي سيطر عل الاندلس. وحاليا فيها قبر المعتمد بن العباد ومرتو وولدو ولي تيتعتبر مزار سياحي لبعض العراء والمتقثين بحكم ان المعتمد كان ملك وشاعر.
ووصفها الجعرافي ابو عبيد البكري فالقرن حضاش بلي “مدينة اغمات فيها جوج مدن سهلية وحدة سميتها اغمات ايلان ولخرا اغمات اوريكا لي فيها تيسكن رئسهوم وليها تيجيو التجار والغرباء، واغمات ايلان تتسكنو قبايل مصمودة فديور وقصورة”
ورقة تقنية عل اغمات
| أغمات | |
|---|---|
| جماعة أغمات قروية | |
| بالشلحة: ⵖⵎⴰⵜ | |
| بالفرنسية: Aghmat | |
| تقسيم إداري | |
| الرمز المغربي MM | mm1307 |
| عاصمة لـ | الدولة المرابطية |
| الجهة الاقتصادية | جهة مراكش أسفي |
| المسؤولون | |
| الإقليم | إقليم الحوز |
| رئيس الجماعة القروية | |
| الرمز الجغرافي | 041.03.11 |
| خصائص جغرافية | |
| إحداثيات | 31°25′21″N 7°48′04″W |
| المساحة | |
| السكان | |
| عدد السكان | قرية اغمات: 1,208 نسمة |
| عدد السكان | جماعة اغمات: 25,220 نسمة |
| احصاء | 2014 |
| عدد الأسر | قرية اغمات:247 اسرة جماعة اغمات: 4.808 اسرة |
| معلومات أخرى | |
| التوقيت | 0+ |
| التوقيت الصيفي | 1+ غرينيتش |
| الرمز البريدي | 42252 |
| الرمز الهاتفي | 24 (212+) |
QR، كود اغمات
 |
Author: hespress
كلشي عل المغرب
قم بكتابة اول تعليق