كلمات يا بنت الناس لعبد الهادي بالخياط

الرمز المختصر للمعلومة فقاعدة البيانات MM1396







كلمات الاغاني المغربية: كلمات يا بنت الناس

العنوان:
كاتب الكلمات:
الحان:
غناء:
التاريخ:
يا بنت الناس
علي الحداني
عبد القادر وهبي
عبد الهادي بلخياط

1979
الرمز المغربي MMmm1396

يا بنت الناس أنا فقير ودراهم يومي معدودة
إنما عندي قلب كبير بحر شطآنه ممدودة
فايض بالمحبة والخير وبابه ماهي مسدودة
وعليها واقف عساس افهميني يا بنت الناس

يا بنت الناس العش اخـضر وبيدي أنا بانيه
غدا بفضل ربي يعمر سبحانه الأمر بين يديه
إذا أراد الخبزة تكبر كرم الله تشوفيه
وإياك تقطعي الياس العش اخضر يا بنت الناس

يا بنت الناس تلاقينا وبنيناه بسنة وكتاب
على الوفا والصدق مشينا في الظاهر والباطن أحباب
واليوم اصبح واحد فينا يغلق في وجه الحب الباب
عشا وغذا بصداع الراس احشومة عيب يا بنت الناس

يا بنت الناس الله كبير نخدمو ياك احنا شباب
ابن آدم يتحزم إيدير يطرق جميع الأبواب
آش ادانا لعند الغير والحسد يتلف الحساب
لهلا يعطينا وسواس يمرضنا يا بنت الناس

يا بنت الناس ابغيت عشيري يقدر يفهم الحياة
يتبع طريق الخير توصل لشط النجاة
أنا ما باغي مسامير تعرقل لي سير الخطوات
والعقل مسطرة وقياس والعقل نور يا بنت الناس

يا بنت الناس العمر قصير سنين قليلة معدودة
كل دقيقة تسوى الكثير ضيعنا دقائق سدى
الدنيا غطاها الحرير والحرير أصله الدودة
والدودة عريانة لباس التواضع يا بنت الناس
افهميني


QR، كود كلمات يا بنت الناس

QR، كود كلمات يا بنت الناس

تعليق الفايس بوك
hespress
Author: hespress

كلشي عل المغرب




About hespress 8478 Articles
كلشي عل المغرب

قم بكتابة اول تعليق

Leave a Reply

لن يتم نشر بريدك الالكتروني في اللعن


*