تاغنجة
لَعْشِيَّة عـْشَّاتْ وُالليل راح
ما حْلَى بَاللْغـَا يْدُورْ ما بين لملاح
والورد عطات ريحته يا حسرة
والذات ما زالت حزينة
الدم جف يا حسرة
والذات ما زالْ حزينة
يا ناس وما انـْتـُمَا ناس
يا الزايدين المهموم في همه
يا المعاونين الظالم على ظلمه
يا للي صغيركم ف الغيرة وكبيركم ف الحيرة
رْبِّي مْوْرِّي لَمِْريرَة يَا ناس
غير بلاش زْيَادَةْ الهَضْرَة
ذا العالم من قديم خاصاه نغزة
ولمنازل تتبدل
واش الحق گفا واعطى ب الاَدْبَارْ
حْلْفْ حلفة ما ظهر له أثـَرْ
واش الحق گـَفـَّا من زمان
قفله عسري ساروته ما ف الحياة
مَبْدَاها الخير والشر . . . لْحْرَارْ والسْبَايْا
العيب فينا بالأ طنان
لاَ لُغـَة مْوْحّـْدَة ولاَ مَايَة
يا حيرتي ف بنادم واحد وُكَثـْرَة اللأَدْيَانْ
ياك ذاك الإنسان . . . وذاك إنسان
ياك هذاك لذاك مرايا
واسقينـا و اروينا كـيـف بحرك هــَيـًَّـجْـنـا
اسقينا و اروينا من بــحـرك خـَـمَّــرْنا
آه يا گريني لاَغي وواجه رياح مصــيرة
الجوع ف الدنيا كالوالي وجثــــات الصبيـان مـــرمـيــة
فوق داك البرج العـــالـي أمـر الله عـــلـيــه غـْـفَـلْـنـا
أسَايـْـــــرْ الدنـيــــا سَايْــبْــــة وتلـهـى بـنـا لـوقـات كــــاتـــدور
كلهـــــــا ينســــى شـــانــــه ملي المال يتسمع رنينه ف لودان
الدنيـــــــــا بــالــمـــــــال هـــــا نــــا الـدنـــيـــــا بالــمــــال
هــا انــت لاغــي عـَلْ لْهْيـَـاجْ ويــــــجـــــيـــــك هــــــلالــــــه
تحت ضوه تفوز بقراية لكتاب اعرف الحالة لا بد ليها من تبـدال
تــــــذبـــــال لـــــهـــــوال ويــــــــبــــــــان الـــــبــــرهــــان
سمع لاغنية تاغنجة بصوت ناس الغيوان
QR، كود كلمات تاغنجة
 |
Author: hespress
كلشي عل المغرب
قم بكتابة اول تعليق