الخروب

الرمز المختصر للمعلومة فقاعدة البيانات MM8215







الخروب

توضيح: لخروب هنا بمقصودب بها شجرة الخروب. كنتي تتقلب عل جماعة الخروب بدائرة جبالة اقليم تطوان شوفها من هنا: جماعة الخروب

لموضوعلوغة مغربية
كلمةلخروب
اصل لكلمةعربية
نگليزيةCarob
الرمز لمغربي MMmm8215

الخروب وكاين لي تيسميها سليغوة فلمغرب وبالنگليزية Carob، ولمفرد خروبة. الخروب او لخروب يقدر يتقصد بها الشجر دالخروب او لفاكهة لي تتنتج شجرة الخروب فلوقت لي خروبة تيتقصد بها الشجرة دالخروب. كيفما عرفنها من قبل فالخروب نوع دالشجر لي تيبقا عل طول العام خضر يعني ماتيطيحش لوراق او ماتيبدلش لوراق. والخروبة تتكبر تا لفوق 15 لمترو وتقدر توصل تا لفوق لعشرين لكانت قريبة لما. وتتنبت فمناطق البحر لابيض لمتوسط. ولخروبة تتعطي فاكهة او مايمكن نسميوه فاكهة بحكم انها حلوة وتتكال بلا ماطيب. فالمغرب الخروب يا اما تتكال او تتغز كيفما هي وكاين لي تيصايب بها الزميطة تتحمر شوية فالعافية او غا تتجفف فالشمش وتتطحن. وكاين لي تيستعمل الزميطة ديالها دوا لسريسرة حيتاش لخروب تتقصح لكرش وتقدر دير تا لعصيم للي كتر منها. ولخروب فيها كيمة كبيرة دالسكريات وحلوة بزاف. وكاينة تا لي باسلة فالغالب لخروب الباسلة تتكون رقيقة وفالغالب هادي الرقيقة ماتتكالش وتتسما لخروب دلمعز حيث تيعطيوها اللمعز. طبعا هادشي كان بكري ملي كانت لخروب ماعندها تا قيمة. من بعد ما ولات مطلوبة من لاسواق لاجنبية طلعات قيمتها ومابقاتش تعطا تا لبنادم ماشي غير لمعز. من تمانينات القرن لعشرين عرف السوق دلخروب قيمة كبيرة حيت كانت نتقلات من مجانبة او تيكلوها لمعز فقط ل 10 دراهم لكيلو فالوقت لي حاليا 2022 وصلات تا لفوق 50 درهم الكيلو. التسويق لاجنبي ديالها تيستعملو الزريعة ديالها. فبعض الدول لاوروبية تيصايبو منها لخبز ولحلوة وكاين لي تيستعملها عوض لقهوة فبعض لمنتوجات.

ورقة تقنية عل الخروب

الخروب / سليغوة
شجرة دلخروب
لمرتبة التصنيفيةگنس
لتصنيف لعيلمي
النطاق:حقيقيات النوى
المملكة:نبات
الشعبة:مغطية الزريعة
الرتبة:فوليات
الفصيلة:لبقولية
الأسرة:Caesalpinioideae
الجنس:خروبي
الرمز لمغربيmm8215
سمية لعلمية
Ceratonia siliqua
كارولوس لينيوس
فاكهة لخروب

QR، كود الخروب

QR، كود الخروب
خروب مع زريعة لخروب


تعليق الفايس بوك
hespress
Author: hespress

كلشي عل المغرب




About hespress 8413 Articles
كلشي عل المغرب

قم بكتابة اول تعليق

اترك رد