الكرداس او تيكورداسين بالشلحة، اكلة شعبية مغربية، غالبا تيصايبوها فالعيد ملي تتكون المواد ديالو موجودة. الكرداس تيتصايب من الاحشاء دالخروف، الكرشة، الرية، الشحمة، القرجوطة، المصران. تتقطع الرية والشحمة والقرجوطة والطحال طريفات صغار وتتشرمل بالكامون والزعفران والملحة والبزار والفلفلة الحارة او السودانية. وتتقطع الكرشة طراف كبار وتتعمر الكرشة بالمكونات السابقة المشرملة وتتجمع وتعقد بالمصران وتتحط فالشمش تاتتكرم باش ماتخنازش . هاد الاكلة غالبا تتصايب فالعيد ملي تيكون هاد المواد موجودة وهي فالاصل كانت تتدار باش تايتريزيرفا اللحم فيامات العيد للايام لي من بعد ولي غالبا تاتكال فعاشورة وتدار مع كسكو. ممكن تقول بلي الكرداس هو نوع من القديد غا عوض اللحم تيتستعمل الاحشاء او الدوارة دالخروف.
الكرداس
الرمز المختصر للمعلومة فقاعدة البيانات MM1205
تعليق الفايس بوك
قم بكتابة اول تعليق