محمصة

الرمز المختصر للمعلومة فقاعدة البيانات MM7097







محمصة

لموضوعماكلة مغربية
السميةمحمصة
صنفپاط، معجنات
الرمز لمغربي MMmm7097

محمصة وبالتعريف لمحمصة، هي ماكلة مغربية فلغالب تتوجد فلعشا او فالصبح خاصة نهار لعيد. ولمحمصة من صنف كسكسو وتتصايب بالسميدة لغليضة دلقمح غا هي مكونة من حبيبات غلاض فحدود 2 ميليمتر. لمحمصة تتشرا من لحانوت ولي تتصايب فالدار تتفتل تتسما بركوكش ولي تقدر تصايب من سميدة لقمح او بلبولة الشعير. ويمكن تشريها ودير بيها بركوكش. ولمحمصة عكس لكسكو ماتتفورش فلكسكاس. لمحمصة تطيب بحال لي پاط او لمعجنات. وتتقدم لمحمصة بجوج طريقات، لي متعارف عليها هي لمحمصة بلحليب ولي من بعد ماتتغلا فلما مع شوية دلملحة وتقرب توجد تيتزاد عليها لحليب وتطبخ تا تيغلي لحليب، وتيتزاد ليها سكر سنيدة وتتكال. الطريقة التانية وهي تتدار بلاصوص دماطيشة ويمكن تزيد تا قطيعات دلخضرة او اللحم لي تيوجد بوحديتهوم وتيتخلطو مع لمحمصة، حيث لمحمصة داغي تتوجد. هادي لمحمصة لمغربية، باش ماتخالطش عليك بلمحمصة دلمشارقة ولي تتصايب بحبوب الصوجا.

طريقة توجاد بلحليب

تتشري لمحمصة لكمية لي باغي، تتغليها فلما ولملحة وشوية دالزيت وتبقا تخلطها مرة مرة باش ماتعجنش وتلصق . ملي لحبات تيترخاو ويطيبو تتزيد عليها لحليب وخاليا تطبخ تا تيغلي لحليب. وتتكال سخون وكلها تيزيد قيمتو دالسنيدة عل حساب دوقو.

محمصة بلحليب

طرقة توجاد بماطيشة

تتغلي لمحمصة مع شوية دالزيت ولملحة، وفنفس لوقت تتوجد لاصوص طوماط او صوص دماطيشة بشوية دلخضرة مقطعة طريفات صغار او لحم تاهو مقطع صغير، ع التوابل لمعروفة او لمعتادة لكل واحد، ملي تتوجد لاصوص تتخلط مع لمحمصة لي تغلات فلما وتتخليها طيب وتميكسا مع لاصوص شوية دلوقت .. وتتكال.

QR، كود لمحمصة

QR، كود لمحمصة
تعليق الفايس بوك
hespress
Author: hespress

كلشي عل المغرب




About hespress 8478 Articles
كلشي عل المغرب

قم بكتابة اول تعليق

Leave a Reply

لن يتم نشر بريدك الالكتروني في اللعن


*