كسكسو

كسكسو

كسكسو او سكسو او الكسكس او الطعام بالنگليزية Couscous بالشلحة ⵙⴽⵙⵓ “تتنطق سكسو” بالعربية الكسكسي، هو وجبة مغربية خالصة تمتد عبر السنين، ونتقلات او تيتم التقليد ديالها من بعض دول شمال افريقيا وخاصة الدزاير وتونس بلاضافة لاسرائيل وفرنسا، بحكم التواجد والامتداد المغربي فهاد المناطق عبر التاريخ فعهد لمرابطين ولموحدين ولمرينين، وففرنسا بحكم لمهاجرين لمغاربة بفرنسا واسرائيل ايضا بحكم لمهاجرين ليهود لمغاربة باسرائل. الكسكسو تيتصايب من السميدة دالقمح رقيقة او لغليضة عل حساب لاختيار دكل مرا. السميدة تتفتل فالطحين مع لما فطبق وتتكون حبيبات من 0.2 ميليمتر تا ال 1 ميلميتر، هاد لحبيبات هوم لي تيتسماو كسكسو ولي تيتطبخ بالفوار فآنية تتسما البرمة والكسكاس. البرمة فين تيطبخ لما مع لخضرة واللحم ولبخار تيدوز الكسكاس لي فيه تقيبات تيفرقو لبخار عل الكسكسو لي تيكون فيه. غالبا الكسكسو تيطبخ فجوج وكاين لي تيدير تلاتة دالتفويرات. من بعد التفويرة اللولة تيتفكك لكسكسو بشوية دلما والزيت او الزبدة عل حساب لاختيار دكل واحد او وحدة وتيعاود يتدار فالكسكاس لتفويرة تانية او تالتة للي تيدير تلاتة دالتفويرات. وهكدا تيكون لكسكسو او الطعام وجد وتيبقا غا يتسقا بالبلول او المرقة لي طبخات فالبرمة وتيتقدم يتكال سخون.

الكسكسو تيتصايب بجوج طريقات مختلفين، كسكو بالخضرة او كسكسو بالتفاية. وطبعا هادو جوج الطريقات الرئسيات، وكل طريقة يقدر يكون فيها احتلاف بين فرد وفرد او منطقة ومنطقة، عل حساب لمواد لي تتكون متوفرة فديك لمنطقة او فداك الفصل وتا الامكانية دكل واحد.

ورقة تقنية عل كسكسو

كسكسو، سكسو، كسكس
بالشلحة: ⵙⴽⵙⵓ تتنطق سكسو

يُقدم الكسكس مع الخضرة والحُمص واللحم او الداج

المنشأ	لمغرب
بلد المطبخ	المغرب
الرمز المغربي MM	mm15
حرارة التقديم	تيتكال ساخون
المكونات الرئيسية	سميدة
بلوغات خرا	بالنگليزية Couscous بالشلحة ⵙⴽⵙⵓ “تتنطق سكسو” بالعربية الكسكسي

لقيمة لغدائية ل 100 گرام دكسكو
هاد لقيمة دكسكسو حبوب، مادخلاش لخضرة وباقي لمكونات
لهيدروكاربونات	72.83 گرام
الياف	3.9 گرام
الدهون	1.05 گرام
لبروتين	12.68گرام
الجهد
الجهد	1,506 كيلو جول
لمعادن
كالسيوم	2%17 ميلي گرام
لحديد	9%1.23 ميلي گرام
لماگنيزيوم	13%47 ميلي گرام
لفوسفاط	19%136 ميلي گرام
لبوطاسيوم	4%186 ميلي گرام
صوديوم	0%1 ميلي گرام
الزنگ	11%1.05 ميلي گرام

فتيل لكسكسو بالسميدة والطحين وزگيفة دلما

تغربيل كسكسو باش يبقاو غا لحبيبات لي من حجم معين

النتيجة من بعد لفتيل

آنية التفوار، لتحت لبرمة وفوقها الكسكاس

عملية التفوار

عملية التقديم

QR، كود كسكسو