بنق “النون مشددة” كلمة بالشلحة او الزميطة دالشعير بالمغربية، هي اكلة مغربية من صنف الزميطة تتصايب من الشعير. كيفاش تتصايب؟ تيتحيد سبول الشعير ملي تيكون مازال خضر قبل ما يكرم وتيتنقا الحب دالشعير وتيتقلي شوية فالفراح او الفران وتيتدق فالمهراز باش يتحيد منو لحسك وتيتفور فالكسكاس وتيدار فالشمش باش ينشف. ملي تينشف تيتطحن. الوجبة تتقدم عبارة عن خليط هاد الطحين مع الما وشوية دالزيت والملحة تايتكال بالمعلقة.
هادي هي الطريقة الاصلية دالزميطة دالشعير، طبعا تقدر تلقا شي طرق اخر حاليا فاليوتيوب دالمعاكيز تايخدو الشعير العادي تا كرم وتحصد وتيقليوه ويطحنوه. الموهيم تتبقا تا هادي طريقة حيث ماشي اي واحد يقدر يلقا الشعير خضر غالبا الفلاحة لي عندهوم لاكسي للشعير خضر. غا هي ماشي بحال الاصلية حيت الاصلية تتصايب بالشعير خضر المداق تيكون مختلف عل الشعير لي كرة بالشمش.
Author: hespress
كلشي عل المغرب
قم بكتابة اول تعليق