يحيى الحاحي

الرمز المختصر للمعلومة فقاعدة البيانات MM3031







يحيى الحاحي

 يحيى الحاحي، وسميتو كاملة الشيخ الامير ابو زكريا يحي الحاحي وهو ابن الولي الصوفي الكبير الشيخ عبد الله بن سعيد الحاحي . تولد  يحيى الحاحي ب أيت تامنت باقليم تارودانت حاليا فعام مابين 1558 و 1560 غير مضبوط وتوفى فعام 1626 بتارودانت. تعلم يحيى الحاحي عل يد باه بزاويته زاوية زداغة ومن بعد ماحفظ القرآن ودرس الحديث مع باه سافر لفاس باش ايزيد يتعلم ومن فاس مشا لمراكش ومن بعدها لدرعة وتعلم عل يد عدد من الاساتدة ندكرو منهم: الإمام النحوي أبي العباس أحمد بن قاسم القدومي ، وإمام فاس الكبير أحمد بن علي المنجور المكناسي ، والأستاذ الأديب أبي العباس أحمد بن علي الزموري ، وقاضي الجماعة بفاس عبد الواحد الحميدي ، والفقيه الصالح الحسن بن عبد الله بن مسعود الدرعي ، ومفتي فاس وخطيبها أبي زكرياء يحيى السراج ، وقاضي الجماعة بها أبي القاسم بن أبي النعيم الغساني وتعلم فمراكش عل يد: أبو عبد الله محمد بن عبد الله الرجراجي و أحمد بن محمد السالمي.

من بعد هاد الرحلة العلمية رجع لتارودانت وخدا بلاصة باه فالزاوية لي كان مات بالطاعون لي ضرب المغرب داك العام. وصبح عندو عدد من الاتباع والطلبة والتلاميد وتشهر فالمنطقة وولات عندو قوة لدرجة ان السلطان السعدي زيدان الناصر طلب المساعدة ديالو ضد التائر بن ابي محلي ف 1613 ل شد مراكش وفعلا عاونو وطردو بن ابي محلي من مراكش فما يسمى معركة كيليز . هاد الوفاق لي كان مع زيدان الناصر ماغايدومش كثير حيث من بعد يحيى الحاحي غا يقلب عل السلطان السعدي بدعوى انو مالتزمش بالوعد والشروط لي فرض واتفق معاه عليهوم ولي منها ينقص من الضرائب ويجري عل ليهود من مراكش. استغل يحيى الحاحي القضية وعلن راسو امير عل تارودانت وخلع البيعة ديالو عل السلطان السعدي وكون امارة تارودانت ف 1613. وف 1622 غادي ايواجه ابو حسون السملالي سلطان امارة ايليغ لي حاول ايضم تارودانت لولايته، هاد المحاولة لي فشلات وخلات ابو حسون السملالي يتراجع ويتسنى تا ال 1626 باش يدخل لتارودانت تاريخ وفات يحيى الحاحي.



يحيى الحاحي
الاسم الكامل
الشيخ الامير ابو زكريا يحي الحاحي
معلومات عامة
الولادةما بين 1558 و 1560
الوفاة1626
المدرسةشيوخ واساتذة فاس ومراكش
المهنة شيخ زاوية، سياسي، فقيه
مهمةامير او سلطان امارة تارودانت
الرمز المغربي MM MM3031

QR، كود يحيى الحاحي

QR، كود يحيى الحاحي

تعليق الفايس بوك
hespress
Author: hespress

كلشي عل المغرب




About hespress 8478 Articles
كلشي عل المغرب

قم بكتابة اول تعليق

Leave a Reply

لن يتم نشر بريدك الالكتروني في اللعن


*