لخضرة

لخضرة

لموضوع	لوغة مغربية
صنف	ناباتات، منتوجات، غلة
الرمز لمغربي MM	mm6151

لخضرة بالنگليزية Vegetable وبالعربية الخضر، هي كلمة فاللغة لمغربية تتقال وتتصنف النباتات لي تايكولها بنادم او الحيوان فبعض لحالات. النباتات لي تايكولها كاملة او جزء منها او غير وراقها “بحال لخص، كرافص ..” او الجدر ديالها “بحال خيزو، لفت ..” او عراشها او فقط لغلة ديالها “فلفة، ماطيشة، بطاطا ..” لماكانتش هاد الغلة حبوب او زريعة ولي تتسما فهاد لحالة قطنية بحال “لفول كارم، لحمص حبوب، لعدس ..”. ولخضرة ستعملها بنادم من زمان، من وقت لانسان لبدائي ولي كانت جزء من لعميلة والروتين دالصيد فالخلا. وبدا لانسان يطورها ويحرثها فارضو وملكيتو من تقريبا 10 لاف عام. وتيتستنا من هادشي الناباتات او الشجر لي تيعطي لفواكه، ماعدا بعض لمنتوجات لي تتصنف فواكه وخضرة فنفس الوقت بحال ماطيشة.

ولخضرة تتكال إما خضرة يعني بلا ماتحتاج تطيب وجزء منها ضروري يطيب او يتصلق او يتقلا قبل مايمكن ليه يتكال. وكانت لخضرة شحال هدا مرتبط كل نوع بمنطقة، ومع لوقت ملي اطورات التجارة وسائل الترونسبور، تآدبطات انواع من منطقة لمنطقة. وفلمغرب كيفما فباقي لعالم، كانت خوضر محلية وتزادت عليها خضر خرا لي جات من بلدان خرا وتوطنات فالمغرب.

بعض من لخضرة لي تتستعمل فلمغرب

تصويرة	سمية / نوع	الطرف لمستعمل	لاستعمال
	ماطيشة	غلة	خضرة او طايبة
	فلفلة	غلة	خضرة او طايبة
	بضلة	جدر	خضرة او طايبة
	بطاطا	جدر	طايبة
	اللوبية لخضرة	غلة	طايبة
	جلبانة خضرة	غلة	خضرة او طايبة
	فول خضر	غلة	طايب او خضر
	owخص	وراق	خضر
	كرافص	وراق، عرش	خضر او طايب
	قوبور	وراق	خضر او طايب
	خيار	غلة	خضر
	فقوص / فگوس	غلة	خضر
	دنجال	غلة	طايب
	لگرعة	غلة	طايبة
	لگرعة لحمرة	غلة	طايبة
	لكرم	لوراق، الجدر	طايب
	لفت	جدر	خضر او طايب
	لفجل	جدر	خضر
	خيزو	جدر	خضر او طايب
	لفت لمحفور	جدر	خضر او طايب

QR، كود لخضرة

QR، كود لخضرة