ماطيشة

ماطيشة

ماطيشة وكاين لي تيسميها الطماطش، وبالنگليزية Tomato وبالعربية الطماطم، هي خضرة وفاكهة استعملوها قبائل لازتيك لمكسيكية من 500 عام قبل لميلاد. ونقلوها السبلون لاسبانيا وؤروبا فالقرن ؤبعطاش، فعام 1521. كاين لي سماها فؤروبا الدنجال لحمر، وتا لؤروبين ماتقبلوهاش فاللول، كيفما تا لمغاربة كيفما غانبينو من بعد.
وكلمة ماطيشة وطماطيش غالبا موخودة من السمية لاصلية طوماط بلاسبانية ولي تا هي واخدها من لوغة ناهواتي دشعب لأزتيك “لمكسيك والبيرو حاليا” وتتعني الفاكهة لمنفوخة.

امتا دخلات ماطيشة لمغرب

غالبا ماطيشة دخلات المغرب فالقرن سبعطاش، وكانت تتزع فمنطقة سوس، وناض لهط عليها ودخلو علماء الدين ولفقها فيها كيفما لعادة فالحوايج جديدة، وكاين من لفقها لي طالبو باش تحرم حيث لونها تيشبه للدم لي حرم الله، وكاين لي قال بلي هي من نوع التفاح لي خرج آدم من الجنة. هاد الحالة ماكانتش غا فالمغرب تا فالشرق العربي ملي دخلاتهوم فمصر متلا فالقرن 19 والشام من بعد، كانو متوجسين منها وكاين لي سماها زك الشيطان فالشام.

ماطيشة بلغات خرين

لوغة	لمغربية	نگليزية	لعربية	لفرنسية
	ماطشية	Tomato	طماطم	Tomate
نوطق	matisha	طومايطو	tamatim	طوماط

ورقة تقنية عل ماطيشة

الطماطم
بالنگليزية Tomato وبالعربية الطماطم
المرتبة التصنيفية	گنس
التصنيف العلمي
لمملكة	النباتات
الرتبة	دنجاليات
لفصيلة	دنجالية
النوع	ماطيشة
الرمز لمغربي MM	mm6153
السمية لعلمية
Solanum lycopersicum كارولوس لينيوس

QR، كود ماطيشة

QR، كود ماطيشة