تعدين البيتكون

الرمز المختصر للمعلومة فقاعدة البيانات MM4878







كيفاش تيتعدن البيتكون

قبل مانشرحو كيفاش تيتعدن البيتكون، كاين كلام عا تعدن، فالتعدين هنا غا مجازي ماشي المقصود به تصايبو من معدن او وراق. فعلا المقصود تتصايبو او تتنتجو غا هي بالكومبيوتر ماشي معدن. واش يمكن ليك تصايبو بالكومبيوتر لي راك تتقرا منو دابا هاد المقال، كان ممكن قبل من 2011 ملي كانت الصعوبة ماكبيراش، باش نوضحو الصعوبة دالتعدين بين قبل ودابا، فلكانت الصعوبة فعام 2009 باش تصايب واحد بيتكون هي 1 فالصعوبة دابا هي 13 تريليون مرة يعني بوحديتك وبكومبيوتر للاستعمال العادي يستحيل توصل لشي حاجة حيث القضية تتطلب عدد من التخمينات او لي تيتسما الهاش H باش توصل لسلسلة دالبتكون.

شنو هي هاد السلسلة لي تيقلب عليها الكومبيوتر ولي تتسمى بلوك وكل بلوك فيه 6.5 بيتكون، هي مجموعة دالارقام مكونة من 64 بيت لي يخصك تبقا طاطوني تا تجي فيها او قريب ليها وقل منها ماشي كبر منها. هاد الارقام مكونة من الارقام من 0 تا ل 9 ومن الحروف a, b, c, d , f. لي تتكون منها القاعدة ايگزاديسيمال بحال هاد الرقم التحت:

00000000000007d0f98d9edca880a6c124e25095712df8952e0439ac7409738a

كيف سبق وقلنا من قبل كانت ساهلة باش تقلب عل البيتكون قبل 2011 وزادت صعابت ف 2016 وتا العدد دالبيتكونات لي كان تيتعطا فالبلوك نقص الفقط 6.25 بيتكون فالبلوك ولي غا قبل 2016 كان 12.5 بيتكون وهاد العدد كان 25 بيتكون وف 2009 كان 50 بيتكون هو القيمة لي تتحصل عليها فكل بلوك. الصعوبات ارتفعات 13 تريليون مرة والقيمة دالتعويض نقصات للثمن دالقيمة الاصلية، فضروري كومبيوترات قوية او كومبيوترات كثيرة تتقاسم الخدمة بيناتها، هدا علاش حاليا واحد بوحديتو مابقاش يقدر ايديرها ماعدا لي عندو فلوس صحيحة او شركة لي تقدر تجهز سرفرات لي يديرو العملية. وكاينة ايضا تا مايسمى مسبح التعدين mining pool ولي هي مجموعة تتشارك فالتعدين وملي تيوصلو لشي بلوك تيتقاسموه بيناتهوم. الطريقة الوحيدة لي يمكن ليك ليك تعدن بها هي تنظم لشي مجموعة او شي مسبح دالتعدين. كاينين بزاف دهاد المسابح دالتعدين غانعرضوهوم من بعد، فيهم لي تيشرطو عليك تجهيزات معينة باش تنظم ليهوم وكاينين لي ماتيشرطو والو ويمكن ليك تستعمل اي كومبيوتر واحد او كثر او تيليفون او بجوجهوم وتتخلص عل حساب شحال من هاش H لي دوينا عليها لفوق الكومبيوتر او الكومبيوترات ديالك دارو. طبعا تيليفون او كومبيوتر عادي ماتنتظرش يكون شي ربح كبير حيث هنا تنهضرو عل تريليونات الاحتمالات او الهاشات لي تتدار قبل ماتوصل لاستكشاف بلوك لي طبعا كومبوتر عاد ي ما غايدير منها غا نسبة قليلة وبالتالي ربح قليل. بكومبيوتر عادي تا لربعة دليكور 4 core فالبروسيسور تقدر توصل مابين 3 تا ال 8 دولار فالشهر فالمعدل. فلكنتي غ تستعمل غا الكومبيوتر العادي ديالك ماغاديش تعول تعيش منو او دير منو فلوس صحيحة، طبعا ماعدا لستعملتي كومبيوترات كثيرة وخصصتيها غا لهادشي وكل ما تزادت السرعة دالكومبيوتر تزادت الارباح المهم تدير حسابك لاثمنة دالكومبيوتر ولامورتيسمو ديالو والضو لي غا يضيع واسسا الضو و ليلكتريسيتي لي غاتضيع. طبعا كاينة مكانية تكري سرفرات وكايين شركات لي تيقدمو هاد الخدمة باش تستعملهوم فالتعدين او تشارك بهوم مع مسبح دالتعدين. كاينين طرق متعددة، فقط تيخصك دير حسابك والربح والخسارة لي غاتجني وعينك ميزانك.

من بين مسابح التعدين ولي ماتيشترطوش اي تجهيزات ويمكن ليك تستعمل اي كومبيوتر عندك وتيليفونك كاينة كريبتوطاب ولي هي طاب تتزاد للمتصفح كروم يكفيك تانسطاليها وهي تتقوم بالغرض تتستعمل جزء من لبروسيسور دكومبيوترك او تيليفونك باش تقلب عل ال الهاشات H ملي تيكون المتصفح محلول. يكفيك تحل متصفح وهي تدير خدمتها.

شحال من بيتكون تيتعدن فالنهار

فالمعدل تيتعدن او تيتسكتشف تقريبا 144 بلوك فالنهار وكل بلوك فيه 6.5 بيتكون ولي تتعطينا فالمجموع تقريبا 900 بيتكون فالنهار اي بمعدل كل 10 ددقايق تيتعدن واحد. وعل حساب معدل تمن البيتكون فهاد شهر نونبر 2020 هو 16 الف دولا فتقريبا تيتعدن ما قيمتو 14 مليون و400 الف دولار يوميا دالبيتكون بقيمتو بالدولار.




كيفاش لي بغا ايدير هادشي لراسو؟

كيفما سبق وقلنا، بكومبيوتر عادي او تا كومبيوترات مجهدة، المدخول تيبقا قليل او قول منعدم، يعني غا لبغيتي شوية دالصرف عل مدة طويلة بحال هواية وفقط. لبغيتي المعقول اش تيخصك؟ نسا الكومبيوتر. كاين ماترييل خاص بهاد القضية ولي تيتسمى جهاز التعدين ASIC ولي هي سيركوي انتيگري مختصر ال Application-Specific Integrated Circuit chips ولي بمقدورها تدير 14 تريلون هاش H فالتانية ولي طبعا غالية فالتمن ديالها واستهلاكها ليلكتريسيتي، يمكن تقلب فالانواع والموديلات عل حساب خصائص كل موديل والبرنامج لي تيتوافق مع كل ماكينة. لعندك الامكانيات او نتا ومجموعة بغيتو ادخلو الميدان كل ما تيتطلب هو ماترييل، برنامج عموما كايين برامج كثيرة واغلبها مفابور وحساب فالبيتكون او حساب بيتكون. والله يوفق.
lمن الماكينات لي كاينين فالسوق دابا آنت ماينىر Z15 ولي تتخلي ربح بمعدل 31 دولار فالنهار من بعد م تتحيد ماصاريف الضو لي تتستهلك بقيمة 5 دولا فالنهار. وتمنها فحدود 4000 دولار.

آنت ماينىر Z15

توضيح: الموضوع هو فقط موضوع عام يقدر يفيدك او تفهم كيفاش قوالب البيتكون وكيفاش تيخدم، او تقدر تجربو او فقط فظول معرفي، وتيبقا هداك شغلك من بعد.

QR، كود تعدين البيتكون


يتبع

تعليق الفايس بوك
hespress
Author: hespress

كلشي عل المغرب




About hespress 5668 Articles
كلشي عل المغرب

قم بكتابة اول تعليق

اترك رد