شالة و بالحروف الاتنية Chellah او Chella موقع اثري بمدينة الرباط تيرجع القرن السات قبل الحقبة العامة “قبل الميلاد”. الموقع تيجمع حضارات مختلفة تراكمات عليه من الفنيقين لي اسسوه وبناو فيه مدينة سالا sala ومن بعدهم القرطاجين. وشالة فيها ايضا اتار دالرومان وفعهد الموحدين دوروها بصور اما المرينيون فردوها مكان مقدس لمقابرهم وبناو فيها جامع بالحجر والزليج لي مازال لاتر ديالو حاليا وماتيتستعملش.
الفترة الفنيقية
الفنيقيون اسسو شالة عل ضفاف واد بورگراگ وسماوها سالات shalat او باللغة الفينيقية الكنعانية 𐤔𐤏𐤋𐤕. ومن بعد تم الاستلاء عليها من القرطاجيين حسب هييد باركلي والمجموعة من مطبوع موريتانيا تاريخ نوموروم طبعة التانية 1911 اوكسفورد.
“Head, Barclay; et al. (1911), “Mauretania”, Historia Numorum (2nd ed.), Oxford: Clarendon Press, pp. 887–890″
الفترة الرومانية
من بعد الفينيقين الرومان، الرومان بناو مدينتهم بجنب لي خلاو الفنيقيين وسماوها سالا sala كيفما شار ليها كلوديوس باتليموس والاتار ديالهوم مازال شاهدة عليهوم وعل ميناء لي بناو ببورگراگ. وشالة كانت موقع من اهم المواقع الرومانية بالمغرب او موريطانيا الطنجية كيف كانت تتسمى عساع بالا ضافة لموقع ليكسوس او العرائش حاليا وانفا فالجنوب او مايسمى الدار البيضاء حاليا. وبقات شالة تابعة للرومان تا من بعد ماخرجو منها فالقرن الرابع ومشاو الطنجة. وهناك اتار وادوات بيزنطية تترجع القرن السابع.
الفترة الاسلامية
شالة بقات مستمرة كموقع دالامازيغ المسيحين قبل مايجو العرب فالقرن السابع ملي استسلم لعقبة بن نافع الحاكم البيزانطي الكونت جوليان دسبتة ف 683. بعدها صبحات شالة تابعة للدولة الادريسية وخداوها منهم المغراويون ف 993 ولي هوم بدورهوم الموحدين خداوها منهوم فالقرن 11 وتما فين عرفات ازدهار حتى مات السلطان الموحدي يعقوب المنصور وغا ترجع مهجورة مرة خرا من 1154 تا ال 1339 مع لمجي دالمرينيين فعهد ابو الحسن علي.
Author: hespress
كلشي عل المغرب
قم بكتابة اول تعليق