الحي الحسني

الحي الحسني، من الاحياء الجنوبية الغربية للدار البيضاء وهو عمالة تيتبع لولاية الدار البيضاء وجهة الدار البيضاء السطات. مساحة الحي الحسني هي 25.21 كلم مربع وتيسكنو حوالي 323.277 حل حساب احصاء 2004 لي دارت المندوبية السامية للتخطيط.

من بعد الاستقلال ف 1956 بدات عملية تحديث وتنضيم الحي الجسني ولي كان عبارة عل ديور قزدير لكتر من 15000 شخص. ومن بعد حريقة لي دارت بالعاني ف 1957 تسرعات قضية تسكين سكان الصفيح وكلفو مهندس فرنسي “إلي ازاغور” باش ايدير بلان الحي لي يقدر يهز 25 الف شخص. وداكشي لي كان، ازاغور صمم الحي عبارة عل ديور فردية لكل عائلة او اقامات تتكون من برطمات، كل برطمة من 2 بيوت وكوزينة وطواليط وطبعا حوانت ومساحات خضرة.

اهم الشوارع بالحي الحسني :شارع سيدي عبد الرحمان، شارع بنسينا، شارع افغانستان، شارع ام الربيع، شارع ابي رقراق، وشارع عبد الهادي بوطيب.

ومن اهم المؤسسات لي كاينة بالحي الحسني، اكاديمية جهة الدار البيضاء، المعهد المتخصص للتكلنوجية التطبيقية، مصحة الأم و الطفل الحي الحسني، الخزانة الجماعية للحي الحسني، سينما أنفاالحي الحسني، دار الشباب الحي الحسني، المركز التجاري مرجان الحي الحسني.

ترامواي الدار البيضاء تيدوز عل الحي الحسني فالمحطات لي التحت فالتصويرة.