كلمات يَا جَمَّالْ لناس الغيوان
يَا جَمَّالْ رْدْ جْمَالْكْ عـْلِيـنا
راحنا ولاد ناس وفالعز تربينا
يا جمال رد جمالك علــيـنا
راحنا ولاد ناس وف الخير تربينا
عـيونا علــى شوفة لَمْـلِيحْ دْوَاوْ
وانت ماشي زين لا ترمي لغبار فعينينا
گلُـوبْـنا بكـgمة الـمـحبة دواو
وانت گلبك حجر ، نوض اخطينا
يا جمال رد جمالك علــيـنا
لبسنا الحرير ورميناه كلمنا الحق وسمعنـــاه
شفنا الزين ودْحِينَــاهْ عْرْفْنَا لهوى وما بغيناه
وتجي أنت يا جمال وتدوز جمالك علينا
يا جمال رد جمالك علـيـنا
يَا لاَ لْ يَا لاَ لاَ لْ يَا لاَ لاَ لي
يا لا ل يا لا لا ل يا مَّا يَا لاَلة
گـُومْ يَا گلْبِي من نومك شوف الحالة
حر العديان ف الدواخل دَارْ نْكَالَة
درنا فيهم لامان يا گلبي مشينا طوالة
لگيناهم ثعبان شر من سم الــقـتـالة
نتذكــر خيمتنــا يــا گلبي گبل الشعالة
نتذكر گمحنا وشعيرنا وْلـَّـى نخالة
يا شگة ف الگلب يا وعدي جرحك يَتْلاَلاَ
ليالي لعذاب يا وعدي امتى تتسالى
عيشونا ف لخدع يا گلبي واحنا رجالة
عيشونا ف الضيم يا گلبي وكثرو الگوالة
لكن الوعد يروف يا گلبي تصفى ذا الحالة
يبان البرهان ف الخاين يولي ف دلالة
QR، كود كلمات يا جمال لناس الغيوان
| QR، كود كلمات يا جمال لناس الغيوان |
 |
Author: hespress
كلشي عل المغرب
قم بكتابة اول تعليق