كلمات لا تقوليش نساني عبد الهادي بلخياط

كلمات لا تقوليش نساني عبد الهادي بلخياط

لعنوان	لا تقوليش نساني
غناء: كلمات : ألحان : التاريخ :	عبد الهادي بلخياط احمد الطيب لعلج عبد القادر الراشدي 1973
الرمز المغربي MM	mm8383

كيفاش يمكن قلبي ينساك
وانتي في وجودي وكياني
تنساني انتي والحق معاك
عافاك لاتقوليشي نساني
انتي تقدري يمكن تنسى
وتطوي الماضي طي الكتاب
يمكن قلبك يهجر ويقسى
وتسمي كلشي في المكتاب
لكن انا مع الذكريات
عايش في ربيع دايم وجميل
الماضي حاضرولي فات
قبالة عيني نهار وليل
مازال صدى كلامك لحلو
موالي في كل اغنية
مازال خيالك بظلو
عشيري ما يفرط فيا
ما زالا انتي في عيني وردة
فريدة في دنيا الجمال
فوق الزمن فوق المدة
بعطور فايحة وما تذبال
خيالك عندي حمام السلام
ونيسي ورفيقي في كل مكان
ورنين صوتك أحلى نغم
يملأ وجداني وكياني
بحال مشيتي بحال وليتي
عايش معاك مدى الحياة
خليك بعيد ة يلا بغيتي
حبي اكبر من المسافات

سمع لاغنية لا تقوليش نساني عل موقع ارشيف الفيديو المغربي

صورة لالبوم لاصلي لي صدر ف 1973 ديسك فانيل تورن ديسك 45

اصدار	CLE 1973-105
تسجيل	مسرح كيلوباترا فرنسا
نوع التسجيل	فانيل تورن ديسك 45 دورة – Vinyl, LP
تاريخ لاصدار اول مرة	1973

QR، كود كلمات لا تقوليش نساني

QR، كود كلمات لا تقوليش نساني