كلمات عيطة حوزية – السادة
| العنوان | عيطة حوزية – السادات |
| النوع | عيطة حوزية |
| مول الكلمات | تراث شعبي |
| لحن | تراث شعبي |
| غناء | تراث، لطيفة العساوية |
| الرمز المغربي MM | mm5882 |
وبسم الله بسم الله
وگالسين في باب الله
وكلها فعلو يلقاه
وتانا فعلي يلگاني
وگالو ليا حجبي
والله مانحجب
انا نخرج نرگب
ولقلييب كيتعدب
والعادة العادة
والعادة مرفودة
والحوالة مگيودة
ولمول الزيتونة
وشربني يا لحبيب
وشربني كاس حليب
وحليبو فيه الدم
ولي كدبني ايجرب
علاش امي لعشية
عل كل ناحية
وگولو لسي عباس
هو يعطينا لقياس
نحفرو داك الساس
والقبة تطلع خلاص
اداك الواد الواد
ولمهود بربيعو
حقي فيك آشريفي
ما نرهنو ما نبيعو
آ مول الطونوبيل
إنا مدينة رايح
ويا لقيتي لحبيب
گولو الله يسامح
لحگت لراس العين
وبانو ليا لخزاين
وگلت الموسم كاين
والهادي بنعيسى
وسكينة يا بنتي
ماتحدگي ماتسگي
ويالله نزورو جدي
وبوعبيد الشرقي
والعار يا سيدي غيات
وراه الزيار فين تبات
والعار يا سيدي داود
بغيت نزورك ونعاود
والعار يا بويا عمر
وناوية ليك السفر
والكرمة في بابو
وروايحو مزكية
والعار يا سيدي رحال
ولي دارني في هاد الحال
ويوك آ عيشة زغطاط
وخديمو في دمنات
وبرادي برادي
برادي دالمعدن
والمحبة بالخاطر
ماشي بيد المخزن
والعادة العادة
والعادة مرفودة
والحوالة مگيودة
ومول الزيتونة
والله الله الله
ياراسي وليك الله.
ورگبت عل راس العين
وبانو ليا لخزاين
وگلت الموسم كاين
وزادو حطات خرين
والخيل سلبتوني ووحيرتوني
وسطات مع برشيد
وبويا عمر ماهوش بعيد
وتما ركب وزيد
وگيسر ضهر ليا
وبغيت نشوف القمر
تما زهوة ليام
سلبتي فالعلوة
والعلوة يازيار
سربة مولات لبيار
وگولو لمي صبري
وگولو لختي صبري
مالي ياربي مالي
مالي من دون الناس
حبيبي البوهالي
ونا بايت عساس
والعادة العادة
والعادة مرفودة
ولحوالة مگيودة
ولمول الزيتونة
آ حسن خرج ايصيد
فجمعة اولاد امحمد
والحجل مع لرنب
ولي طلت ماتعگب
وگالو ليا درتي
وانا شي مادرتو
وحق الله لمعبود
وحبيبي لفلتو
علاش آمي لعشية
عل كل ناحية
وگولو لسي عباس
هو يعطينا لقياس
والقبة تطلع خلاص
وليلى يا بنتي
لا تحطبي لا تسگي
يالله نزورو جدي
وبوعبيد الشرقي
والعار اسيدي غيات
وراه الزيار فين تبات
علمونا الزيارة
وعيالات ورجالة
والعار آبويا عمر
وناوية ليك السفر
والكرمة في بابو
وروايحو مزكية
والله الله الله
يا راسي وليك الله
سمع للعيطة الحوزية بصوت لطيفة العيساوية
QR، كود كلمات عيطة حوزية
| QR، كود كلمات عيطة حوزية |
 |
Author: hespress
كلشي عل المغرب
قم بكتابة اول تعليق