كلمات سامحوني ناس الغيوان







سامحوني

نبدا الكلام وما نقول أنا مولاه
طالب التسليم يا السامعين كع لهيه
دوم يا كلام الحق دوم
من الظهر طعنتو لحرار
واللي جرى راكم عارفينو
أرميتونا ف الظلام
ها حنا يا سيدي في ردهاته
شربتونا الخل ف وضح النهار
ها احنا يا سيدي شربناه بذبانة
صباح الخير . . .
صباح الخير يا سوايع زينة
مشية بلا رجعة يا القوم الظلامة
يا عشاق القحط
يا الراغبين ف دوامه
يا وجوه محاين كثيرة
مشية بلا رجعة يا القوم الظلامة
مشية بلا رجعة يا القوم الظلامة

سامحوني بسلامة يا اهل الخير
سامحوني تبقاو على خير يا احبابي
سامحولي عيوبي سامحولي زلاتي
سامحوني يعلم الله وين غادي
سامحولي خطوات نعدها أنا عثرات

سامحوني يعلم الله وين غادي
واياك تنساني يا المعنى بحياتي
واياك تنساني يا الراغب افهمني
سامحوني يعلم الله وين غادي
سامحوني يعلم الله وين غادي

خـيــي يـا خـيـي كون عوني وكون زادي
خـيــي يـا خـيـي كون معايا وكون زادي
خـيــي يـا خـيـي راه الأيام طويلة
خـيــي يـا خـيـي وانا وحدي ف ذ الطريق
خـيــي يـا خـيـي احكو الباطل ساعة
خـيــي يـا خـيـي غرقنا ف مواج التية
خـيــي يـا خـيـي كون عوني وكون زادي

تعليق الفايس بوك
hespress
Author: hespress

كلشي عل المغرب




About hespress 8413 Articles
كلشي عل المغرب

قم بكتابة اول تعليق

اترك رد