كلمات خربوشة

قصيدة عويسة او خربوشة نضم الشيخة خربوشة الزيدية او حادة الزيدية

معلومات عامة

العنوان	خربوشة
كلمات:	حادة الزيدية “خربوشة”
الحان	حادة الزيدية “خربوشة”
غناء	شيوخ العيطة والشعبي
التاريخ	نهاية القرن 19 او بدابة القرن 20
الرمز المغربي MM	mm2966

لكلمات

واخايتي لك آ ليام
وا  ليام آ ليام، أيام القهرة والظلام
وا  فينك آ عويسة، فين الشان والمرشان؟
شحال غيرتي من لعباد؟
شحال صفيتي من لسياد؟
بلا  شفقة وبلا تخمام

حرگتي  الغلة وسبيتي الكسيبة
وصگتي النسا كي لنعام
يتمتي  الصبيان بالعراااام
وايلييي

كي الشيخ، كي العبد، كي لمقدم
گاع منك طالبين التسلام
وافينك  آ عويسة فين الشان والمرشان؟
وايليييييي

تعديتي وخصرتي الخواطر
ظنيتي القيادة للدوام
ولجيد مبقالو شان
والرعواني زيدتيه لگدام
سير آ عيسة بن عمر
يا وكال الجيفة، ياقتال خوتو يا محلل لحرام
وايليييي

ولاباس ولاباس ولاباس
هاك الدق بلا قرطاس
هاك لويزك صرفو نحاس
عليك ولي مايسواش
هاك لويوك دگو حديد
وراه عمري مازال قريب
ولاباس ولاباس ولاباس
هاك الدق بلا قرلطاس

يا بن عمر يا مهجج اللامات
يا بنعمر يا مهدم لفراگات
يا مشتت لعلامات ومابقا گد مافات
حالفين بالجمعة مع تلات
يا عويسة فيك لبقات
دار السي عيسا گالو خلات
ومقابلة لمعاشات
ياك طغيتي وتجبرتي
ياك مليتي وطبعتي
بلا تاويل بلا حكمة
بلاقياس حكمتي
ويا لحاضر بلغ الغايب
گولو للشايب راه لغدر عيب

آ السعدية طلبي بوك علي
إلى اوتيت يسامح لي
واخا قتلني واخا خلاني
ما ندوز بلادي راني زيدية.
على كلمة خرجت لبلاد
واخرجت لحكام
لاسلامة ليك آليام

هذا وعدي وانا نصرفو حتى يعفو سيدي
ها هو يا سيدي أحمد، ها هو ياحرش لعيون
ها هو يا سيدي إدريس، ها هو يا ذهب لكويس
ها هو يا سيدي أحمد لهوى يا ذاك الشريف

نسالك بالمعاشي سيدي سعيد مول الزيتونة
والرتناني سيدي احسين جا بين الويدان
والغليمي سيدي أحمد العطفة يا ابن عباد
والقدميري سيدي عمر مولى حمرية
والتجاني سيدي احمد مول الوظيفة.

سمع للاغنية عل موقع لمغرب للفيديو باصوات مختلفة: خربوشة

---

QR، قصيدة خربوشة

QR، قصيدة خربوشة

---