كلمات اليوم اللول – ليلى غفران

كلمات اليوم اللول – علي الحداني

اليوم الأول آش نگول
فرشت الدنيا عرض و طول
و بفرحة قلبي الكبيرة
حلامي ركبات عالخيول
اليوم الاول كان قصير
اقصر من ريش د أصغر طير
لكن فعمري و حسابي
وزنو فات حسابي بكثير
و جا بعدو اليوم الثاني
فسابع سما و لگاني
حكم و نفذ حكامو
نزلني لعذابي ثاني
و فين لگاني خلاني
رحل عن قلبي و مكاني
نساني و نسى عنواني
موتني
و دفن
و قسى
و مشى ضاحك بالو هاني
لا عرف فين خداني
و لا فين و كيف رماني
و اعتابر عمري محطة
غادرها فاليوم الثاني
زارني فحياتي ساعات
بدل و غير حاجات
و سخن البيت البارد
ركانو لحزينة ضوات

و أنا قلبي صبي يا ناس
و فات الجوهر بالإحساس
لقاوه عطشان سقاوه
شرب و داخ بأول كاس
الحب الأول شهد حلو
إلى غنى لك ترقص لو
و إلى طغى و تجبر و قسى
سمح لو أو لا تسمح لو
و قسى و تجبر عليا
تبعت خيالو هرب ليا
و الدم العاشق يتساءل
و يزند فالقلب الكيات
وبعد لليلة طل النهار
وياما خلف من اضرار
الساعة وقفت في ايدى
وحلف قتي فيها لا دار
ولا سكة جابت قطار
يبرد ليا هاد النار
ولا سكة جابت قطار
يطفي جمرة الانتظار
وعيون الرايح والغادي
ترميني بالطوب والاحجار
وبعد لليلة طل النهار
وياما خلف من اضرار
الساعة وقفت في ايدى
وحلف قتي فيها لا دار
ولا سكة جابت قطار
يبرد ليا هاد النار
ولا سكة جابت قطار
يطفي جمرة الانتظار
وعيون الرايح والغادي
ترميني بالطوب والاحجار

سمع لاغنية اليوم اللول بصوت ليلى غفران

QR، كود كلمات اليوم اللول

Author: hespress

كلشي عل المغرب