كلمات احكم يا قاضي

كلمات احكم يا قاضي للفنانة فاطمة مقدادي

العنوان	احكم يا قاضي
الكاتب	علي الحداني
اللحن	احمد العلوي
غناء	فاطمة مقدادي
الرمز المغربي MM	mm5023

الصفا أنا كنبغيه
الصفا أنا كنبغيه
ما بغى يتهلاّ فيا
ما بغاني نتهلا فيه
ما رضى يعطيني نية
والصفا أنا كنبغيه
دعيت ورفعت القضية
احكم يا قاضي عليَّ وعليه
ما بغى يتهلا في
ولا بغاني نتهلا فيه

منين نبدا الحديث كثير
حار ليَ معاه التدبير
منين نبدا قول ورّيني كيف ندير
يا القاضي العذاب كبير
حال العدا ما سخى ينطق بكليمة
ما سخى ينطق
صادقة تجمعنا ديما
ما بغى يرفق
أو فكَّرْ يعطي قيمة
لحالتي ومفرَّجْ الغير
باغيا نرتاح شوي
مع اللي قلبي كيبغيه
كيحضر ويغيب علي
كل يوم هوى كيديه
دعيت ورفعت القضية
احكم يا قاضي علي وعليه

شكيت لو يا سيد القاضي
شكيت لو ما يسمع هضرة
عاتبتو يا سيد القاضي
عاتبتو كيعمل حضرة
خَلَّطْ ليَ شمس وقمرة
وها شهودي عينو خضرة
وْليَّة يا سيد القاضي
ولية عَيْبي مغيارة
وغيرتي يا سيد القاضي
غيرتي ما هي صبّارة
كنبكي ونقول خسارة
كل ليلية ليه قصارة
قال هذي غشيمة نية
فبيتي نرهنها تحضيه
وأنا يا قاضي مرمية
فليل يبكيني ونبكيه
دعيت ورفعت القضية
احكم يا قاضي علي وعليه

سمع لاغنية احكم يا قاضي بصوت فاطمة مقدادي

احكم يا القاضي- فاطمة مقدادي

QR، كود ملمات احكم يا قاضي

---