قصائد الملحون: قصيدة حن وشفق

الرمز المختصر للمعلومة فقاعدة البيانات MM3641







قصيدة حن وشفق غناء ناس الغيوان

قصائد الملحون: قصيدة حن وشفق لعبد القادر العلمي

قصائد الملحونقصيدة حن واشفق
نظم:عبدالقادر العلمي المعروف بسيدي قدوز العلمي
التاريخالقرن 16
الرمز المغربي MMmm3641

كِيفْ يواسي اللي فراَق محبوبو وبقى بلا عقل
ف لرسام فريد
أنا كيف جفاني حبيب قلبي ما خَـلا َّغير صورتو
وُ نْعُوتـُهْ و خْيَالُو
ومن لا عمري نظرت زين
ف لبدور بحالو


أرفـَق يَا مَالْكي ب عبــــــــدك واعطف يا سابغ النْيَامْ
يا بَدْرْ النْبَا مَنْ لُغــْـتـــــــام يهديك الله لا تعذب قلبي قاسيت ما كفـــــــى
أنت الموصوف ب المحاسن وأنا الملسوع بالغــــرام
وعييت ملازم السقـــــــــام أمَّا بَرَّدْتْ من جمار فْ قلبي محال تنطفـــــى
نبات نسهر ليــــــالــــــــي ودموعي حايفة سجــــام
نبكي ونوح ف الظــــــــلام على محبوب خاطري من جار علي ولا عفـا
متى يا مالكي نشاهـــــــــــد خدك يضوي عل الرسام
ما بين مْحَافْلْ الرَّيــَــــــــامْ ونقول بريت من علالي ونسيت محاين الجْفَا
رغبوا تاج لملاح فيـَّــــا تحـيـيـني غير بالســـــلام
وتراعي سيرة الكـــــــــرام، لا خير في من جفا حبيبه وغدر بعد الموالفة


فْ هْوَاكْ أَمَالْكِي فــنِيـــــــتْ لا حالة كيف حالتــــــي
ف طريق هواك ما عييـــت حتى تقضى حاجتــــــي
وإلى أنا نلت ما نويــــــــت منك يا روح راحتــــــي
نفرح ونقول: ما مشــــــات مجادي ف البها حـــرام
يا من لا ساغ لي مـــــــرام سمع قول لحسود فيا وتَكَدَّرْ بَعْدْ مَا صْفـَـــــا

أما دوَّزت من اوقـــــــات
كنت مغْطـِّي بثوبهـــــــا
تسوى الياقوت والثـْقـَـــاتْ
والسعد سگام منهـــــــا
والكاس مدامعه جـــــرات
على الشمعة وْضْيَّهـَــــا

صدقوا من جربوا وقالــوا مادامت للزهو أيــــــــام
لو كان تدوم للُّـقـْـــــــــدام
لو كان الشمس ف سماها تبقى ديما مْشرْفة


حن وأشفق واعطف برضاك يا المزيان
لا سماحه ميعاد الله يا الهاجـــــــــــــــر
ياللي قلبه بعد زْيَانْ عَاوْدْ شْيــَــــــــــانْ
يا للي عدْتِي مِنْ شُورِي حذِير نَافـْــــــرْ
ياك ما حَالُو ما بـِينَاتْنـَا العُديـــــــــــــان
ياك ما عَوّلتِي مَنْ جَنْبِي تسافـــــــــــــر
ياك ما جنيتي شوفة من نْجَالْ مْعـْيـَــان
زْلّْعـْك تْزْلِيعَه لْعْدُو بْ قلب كَافـَــــــــــــرْ
نزلت ساحل بحرك زعما نعود رُؤْيـَــانْ
مشارعك ندريها ونعود بك ظَافـَـــــــــرْ
احسنت بك النية وقريت فيك لاَمـَــــــانْ
حين كنْتِ تأتِينِي فْ كُل يوم زايــــــــــر
إلى حضرتي تحضر ليا معاك لدهــــان
وإلى تغيب نَذْهْل ويغيب لي الخاطــــــر
باش نطفي نيرانك من صميم لكنــــان
وباش يبرد قلبي من حرها الزافـــــــــر
إلى هداك علي الرَّحْمَانْ يَا المزيــــــان
رد سيف صدودك لجواه يا القاهـــــــــر
محبتك يشهد لي بها الإنس والجــــان
ما بقى ما نَكْتْم، بحت بالسَّرَايـِــــــــــــــر


قصيدة حن وشفق بصوت ناس الغيوان

ناس الغيوان – حن واشفق 1971

QR، كود قصيدة حن وشفق

QR، كود قصيدة حن وشفق

تعليق الفايس بوك
hespress
Author: hespress

كلشي عل المغرب




About hespress 3913 Articles
كلشي عل المغرب

قم بكتابة اول تعليق

Leave a Reply

لن يتم نشر بريدك الالكتروني في اللعن


*