ثورة شلخ كلخ

ثورة شلخ كلخ

ثورة شلخ كلخ وتتنطق Shelkh kelkh، هي ثورة قام بها عمر الرحالي او عمر شلخ كلخ، واحد من اتباع زاوية سيدي رحال لمؤسسيها رحال الكوش فمنطقة الحوز. عمر الرحالي هادا كان تيقول بلي عندو البركة دسيدي رحال وتيواعد لي تبعوه بلي غا يحل ليهوم باب واحد لكنز وياخدو منو لي قدرو عليه من الدهب ولفضة. الناس ملي سمعو الدهب ولفضة تبعوه. واحد النهار ملي شاف لاتباع كترو جرهوم وراه وهبطو لمراكش فعهد السلطان سيدي محمد بن عبد الله واحد من سلاطين الدولة العلوية فعام 1181 هجرية لموافقة ل 1768 ميلادية وهوم تيغوتو شلخ كلخ، شلخ كلخ …

تعرض ليهوم جيش السلطان وكاينين جوج روايات كاين لي تيقول بلي اعتقلوه وكاين لي تيقول بلي طلبو منو يمشي معاهوم يستقبل السلطان ويشرح ليه شنو باغي. عموما من بعد ما شدوه داوه للسلطان وتم لاعدام ديالو وعلقو راسو فجامع لفنا. ملي شافو لاتباع ديالو هادشي تفرقو وكلها مشا بحالو.

وهكدا ثورة شلخ كلخ مادامتش كثر من نهار، وتيقولو لمراكشين وضفو مصطلح كلخ ولي منها جاية كلمة الكلاخ ومكلخ والبلادة من هاد القصة وهكدا دخل هاد لمصطلح للوغة المغربية ولي تيعني البلادة.

ورقة تقنية عل شلخ كلخ

ثورة شلخ كلخ
مدينة مراكش قديما
معلومات اضافية
الرمز المغربي MM	mm6880
التاريخ	1181 هجرية 1768 ميلادية
المنطقة	الحوز – مراكش
ايديولوجية	زاوية سيدي رحال
لقايد	عمر الرحالي او عمر شلخ كلخ
السلطان	سيدي محمد بن عبد الله
الدولة
الدولة العلوية

مراجع:

• الاستقصا لأخبار دول المغرب الأقصى للناصري

QR، كود ثورة شلخ كلخ

QR، كود ثورة شلخ كلخ