سلو

الرمز المختصر للمعلومة فقاعدة البيانات MM6301







سلو

سميةسلو – سفوف – سليلو
نوعحلوة مغربية
مناش مصاوبطحين، سكر، لوز، جلجلان، نافع، زبدة، كاوكاو، …
الرمز المغربي MMmm6301

سلو وكاين لي تيسميه السفوف او سليلو، هو حلوة مغربية تتصايب فلمناسبات وخاصة فرمضان او لعياد او لولادة. فرمضان ضروري اي عائلة تتصايبو. وسلو تيتصايب من الطحين لمحمر فلفران مخلط مع اللوز او لكاوكاو تاهو محمر ومطحون والجلجلان محمر ومطحون والسكر والزبدة، وطبعا كلها تيزيد عل حساب امكانياتو ولمنطقة لي ساكن فيها وكل مرا شنو تعلمات من مها. كاين لي تيخليه ناشف وكاين لي تيعجنو بالزيادة بالزبدة والزيت.

سلو نيبقا لاختيار دكل واحد فلمقادير ديالو وخاصة فلمواد لي غالية بحال اللوز، كاين لي تيعوضو بكاوكاو، او بنسبة قل داللوز او لوز بجودة قل وتمن قل، عموما كلها وقياس برادو.

بعض مقادير سلو

لمقادير

  • 2 كيلو طحين محمر
  • 2 كيلو جلجلان محمر تا هو
  • جوج كيلو لوز مقلي ومهرمش او مطحون او نص نص
  • نص كيلو نافع
  • شوية ملحة
  • 2 معالق كبية قرفة
  • كيلو دالزبدة دايبة
  • نص كيلو عسل حور لكان فلمستطاع

طريقة التحضير

تتخلط لمكونات لي دكرنا لفوق شوية بشوية باش تولي ؤموجين، ومن بعد تيتزاد عليها الزبدة وشوية زيت ولمسكة لحورة، الزبدة تتبقا تزاد بشوية بشوية باش مايعجنش تيتياخود الشكل لي باغيه يكون عليه، بغيتيه ناشف ماتتكثر الزبدة، بغيتيه يكون شاد راسو وميدم ستعمل الزبدة بالزيادة.

QR، كود سلو

QR، كود سلو
تعليق الفايس بوك
hespress
Author: hespress

كلشي عل المغرب




About hespress 7767 Articles
كلشي عل المغرب

قم بكتابة اول تعليق

اترك رد