المغرب

الرمز المختصر للمعلومة فقاعدة البيانات MM10







المغرب، الموغريب، المملكة المغربية، الامبراطورية الشريفة، المملكة الشريف، دولة جات فاقصى الشمال الغربي د افريقيا. وتيحدها من الشمال البحر الابيض المتوسط ومالجنوب موريتانيا ومن الشرق الدزاير والغرب المحيط الاطلسي. اللغات الرسمية عل حساب دستور لبلاد د 2011 هوما العربية الفصحى والامازيغية. واللغات المستعملة فالتواصل بين الناس هي اللغة المغربية لي تتسمى الدارجة والشلحة والقليل من الفرانسوية. اللغة العربية الفصحى تقريبا منعدم لستعمال ديالها من غير فالمحفوظات والمطالعات والقراءات فالمدرسة او لقراية د القرآن. ونفس الشئ بالنسبة للامازيغية المعيارية لي تتقرا فالمدارس تاهي قليلة الاستعمال والاغلبية تيستعملو اللغات دالشلحة المحلية والجهوية. مساحة الدولة دالمغرب هي 710.850 كلم مربع مقسمة ال 12 جهة. والتركيبة دالسكان مكونة من الشلوح لي سكنو المنطقة من الالاف السنين وعرب لي نزحو فعهد التوسع الاسلامي يا إما عن طريق حروب فالبداية او هجرات جماعية، او خليط عربي شلح لي نتج نتيجة الاندماج لي وقع بين القبائل عربية والبربرية، وافارقة بنسب قليلة ويهود مغاربة لي اغلبهم هاجر لاسرائيل او دول الشمال ونسبة قل من 1 فالمية من اروبيين ساكنين او خدامين فالمغرب. عدد سكان المغرب فآخر احصاء رسمي لي كان ف 2014 هو 33.848.242 عل حساب المندوبية السامية دالتخطيط. وتتقدر النسبة دالسكان حاليا ف 2019 ب 36,635,156 . ومتوقع توصل 43,696,479 فعام 2050 وهاد العدد مممكن ينزل ال 40,887,821 ف 2100 لبقات الخصوبة والنمو السكاني غادي بنفس الوتيرة من بعد ما يوصل لاعلي نسبة ف 2065 ولي هي 44,369,666 غاتبدا النسبة تتراجع.



تغير، عدد سكان المغرب ما بين عام 1950 و 2100

يتبع تحت التحرير


تعليق الفايس بوك
hespress
Author: hespress

كلشي عل المغرب




About hespress 5109 Articles
كلشي عل المغرب

قم بكتابة اول تعليق

Leave a Reply

لن يتم نشر بريدك الالكتروني في اللعن


*