البردعة
البردعة وغير معرفة بردعة ولجمع برادع وهي مؤنثة وككاين لي تيسميها البردع وبالنگليزية Pack-Saddle، هي لعيبة تتفصل باش تجي عل ضهر لحمار او لبغل باش تيسهال الركوب او يتحط عليها شواري او زنبيل او تليس باش تتنقل السلعة عل ضهر الدابة. البردعة غالبا تتستعمل غا البغل ولحمار او الكيدار فالووقت لي العود او الفرس تيتستعمل شكل اكثر احترام لمقام ديالو ولي تيتسمى السرج. والبردعة فالغالب تتصايب من بوشرويط او التليس او كاشة قديمة وتتعمر بالتبن او الحلفة عل حساب لمناطق. ولي تيصاوب لبرادع تيتسمى لبرادعي. لبرادعي لي تيفصل ويخيط البردعة ويعمرها بالتبن، لعملية دالتخياط تتستعمل برا كبيرة تتسمى لمسلة او إسگني.
وتستعمل البردعة فمعنى مجازي، بحال شي واحد يقول لحد خور رانا نبردعك، او فلان تيبردعوه نسابو، او تقول اجي دير ليا البردعة، وهي تتوصف الشخص بلحمار او بغل او انو تيتستغل من شي واحد.
QR، كود لبردعة
| QR، كود لبردعة |
 |
Author: hespress
كلشي عل المغرب
قم بكتابة اول تعليق