مولاي اسماعيل

مولاي اسماعيل

مولاي اسماعيل او اسماعيل بن الشريف هو المؤسس الفعلي لدولة العلوين لي حكمات المغرب ومزالة لليوم. تولد ف 1645 ومات ف1727. وحكم لمغرب من 1672 تا ال 1727 مدة 45 عام. مولاي اسماعيل هو لولد السابع دمولاي الشريف وشد السلطة من بعد خوه مولاي الرشيد. وتيتعبر هو الحاكم الرابع فالدولة العلوية.

ملي كان مولاي الشريف بات مولاي اسماعيل مسجون عند ابو حسون السملالي بمنطقة سوس، زوجو بوحدة من قبيلتو، وهي لي كانت موت مولاي اسماعيل لي تولد فتافيلالت من بعد ابو حسون السملالي طلق سراحو بفدية عطها ولدو مولاي محمد بن الشريف. خرج مولاي اسماعيل من تافيلالت هروبا من خوه مولاي محمد لي كان تيحارب لخوت غير لاشقاء ولتحق بمولاي رشيد لي عينو خليفة ليه عل مكناس فعام 1665.

ملي توفى مولاي رشيد وكسب لخبار مولاي اسماعيل لي كان خليفة ديالو ففاي الجديد بايعوه كبار لفقهاء دفاس من حجم الفقيه الحسن اليوسي وعبد القادر الفاسي، وكان داكشي نهار 16 ذو الحجة 1082هـ، الموافق 27 مارس 1672م.

عرفات فترة حكم مولاي اسماعيل عدد من التورات، وخاصة مع بعض الزوايا ومقاومين لي كانو قبلو بحال لخضر غيلان لي استعن بلاتراك وبعض من بقايا الزاوية الدلائية، فشخص ابو العباس الدلائي. كيفما عرف مقاومة حتى من ولادو لي كانو خلفاء عل بعض لمناطق بحال فسوس. استطع مولاي اسماعيل يقضي عل اغلب التورات وانتصر عل لاسبان بالمهدية والعرائش وعل النگليز بطنجة وواستطع يوحد لمغرب. قدر ايدير هادشي بمساعدة لجيش لي كون ولي يقال بلي كان فوق 150 الف، لجيش لي كان مقسم لجوج، جيش البخاري ولي مكون من العبيد، حيث منع امتلاك العبيد للافراد واعتبر بلي العبيد غايكونو ملك ددولة ولي كون منهم جيش، سماه جيش البخاري كان يحلفهوم عل صحيح البخاري وفنفس الوقت كون جيش تاني سماه جيش لوداية. عرفات الفترة دمولاي اسماعيل استقرا حتا الوفات ديالو فعام 1927.

ورقة تقنية عل مولاي اسماعيل

سلطان المغرب من العلويين
ضريح مولاي اسماعيل بمكناس
فترة الحكم 1672-1727
معلومات شخصية
الميلاد	1645 تافيلالت
الوفاة	1039 هـ – 1727م مكناس
مكان الدفن	مكناس
الرمز لمغربي MM	mm1332
العرق	مغربي
الديانة	الاسلام، اهل السنة والجماعة، مالكية
الزوجة	خناتة بنت بكار
الأولاد	أحمد الذهبي بن إسماعيل عبد الملك بن إسماعيل عبد الله بن إسماعيل علي الأعرج بن إسماعيل مولاي محمد بن إسماعيل المستضيء بن إسماعيل علي زين العابدين بن إسماعيل
بوه	الشريف بن علي
إخوة وأخوات	محمد بن الشريف،  والرشيد بن الشريف
عائلة	الأسرة العلوية
الحياة العملية
المهنة	عاهل  ، سلطان
اللغة الأم	لمغربية و لعربية
اللغات	لمغربية و لعربية

QR، كود مولاي اسماعيل

QR، كود مولاي اسماعيل