الفقيه البصري

الرمز المختصر للمعلومة فقاعدة البيانات MM2813







الفقيه البصري

تقديم

الفقيه البصري وسميتو الاصلية محمد البصري، مناضل ومقاوم وسياسي مغربي. تولد الفقيه البصري ب بقرية أدوز نواحي دمنات ف 1925، فين تعلم لقراية فالمسيد قبل مايمشي لمراكش ف 1944 ويدخل لمدرسة بن يوسف. وفنفس الوقت بدا نشاطو ضد الاستعمار الفرنسي من خلال البدرة اللولة لي غادي يولي الاتحاد الوطني لطلبة المغرب. وساهم مع محمد الزرقطوني ورحال المسكيني فتكوين جيش التحرير ف 1953 باش يواجه الفرنسيس. الفرنسيين لي غا يشدوه ف 1954 ويحكمو عليه بالاعدام ولكن غادي يهرب من حبس القنيطرة قبل ما يتعدم.


من بعد الاستقلال كانت عند الفقيه البصري منزلة كبيرة عند الملك محمد الخامس لدرجة انو كان تيدير خطاب تاني من بعد محمد الخامس فدكرى تورة الملك والشعب. وفحكومة عبد الله ابراهيم، محمد الخامس عطا الصلاحية للفقيه البصري للمساهمة فاختيار الحكومة. هاد الحب لي ماغايدومش من بعد سقوط حكومة عبد الله ابراهيم بضغوطات من الامير مولاي الحسن لي غيولي الملك الحسن التاني من بعد واحمد رضا كديرة من احزاب اليمين. و1960 غادي يتعتقل هو وعبد الرحمان اليوسفي بسبب مقال فجريدة التحرير لي كان تيترأسها. وتزاد المشاكل بينو وبين القصر من بعد ماقاطع حزب الاتحاد الوطني للقوات الشعبية التصويت عل دستور 1962. القضية ماوقفات غ عند دستور 1962، بل ف 1963 غ تكتاشف جوج خليات مسلحة وحدة برئاسة الفقيه البصري والتانية برئاسة المكنى شيخ العرب او احمد اجوليز. الخلايا لي كان تينسق بيناتهوم المهدي بنبركة. من بعد تفكيك هاد جوج خلايا، مرة خرا تيتحكم عليه تاني بالاعدام. وغا يتطلق سراحو مع مجموعة من مناضلي الحزب متل عمر بن جلون، مومن الديوري، ف 1965 من بعد ماقبل الاتحاد الوطني للقوات الشعبية المشاركة فحكومة وفاق وطني، قبل مايتراجع الملك الحسن التاني عل القرار ويعلن حالة الطوارئ فاحداث انتفاضة كوميرة 1965.



ف 1966 غا يهرب الخارج لفرنسا عبر اسبانيا ويلتحق بالجزائر فين غيتلقا مناضلين خرين لاجئين تما وعاش متنقل بين الجزائر ليبيا والشرق العربي، وساهم فما يسمى احدات مولاي بوعزة عمليات مسلحة تبناها هو من الجزائر. هدا لي خلا الحزب او المعتدلين دالحزب ايخرجو من الاتجاد الوطني للقوات الشعبية وياسسو حزب جديد الاتحاد الاشتراكي للقوات الشعبية برئاسة المرحوم عبد الرحيم بوعبيد ف 1975. ف 1980 تلقا الفقيه البصري بادريس البصري وعطاه برا من الملك الحسن التاني عبارة عن عفو عليه وتيطلبو يرجع المغرب. وفعلا من بعد 5 سنين غيرجع المغرب ف 1995 من بعد 30 عام منفى او هروب.

وتوفى الفقيه البصري رحمه الله ف 14 اكتوبر 2003 بمدينة شفشاون.

الفقيه البصري وعبد الرحمان اليوسفي اتناء ادارة جريدة التحرير.

بطاقة تقنية عل محمد البصري

محمد البصري
لقب: الفقيه البصر
معلومات شخصية
الميلاد1925
ادوز بدمنات
الوفاةأكتوبر 14, 2003
شفشاون
سبب الوفاةنوبة قلبية  
مكان الاعتقالالقنيطرة (المغرب) (1954–1955)  
الرمز المغربي MM MM2813
الحياة العملية
المهنةسياسي  
الحزبالاتحاد الوطني للقوات الشعبية  

QR، كود الفقيه البصري

QR، كود الفقيه البصري

تعليق الفايس بوك
hespress
Author: hespress

كلشي عل المغرب




About hespress 6064 Articles
كلشي عل المغرب

قم بكتابة اول تعليق

اترك رد