همزة
| صنف | لوغة مغربية |
| الكلمة | همزة |
| جمع | هموز، همزات |
| تصغير | هميزة |
| بالنگليزية | opportunity |
| الرمز المغربي MM | mm8261 |
همزة، هي حرف من حروف اللوغة لمغربية وطبعا لي موخودة من اللوغة لعربية او تتشارك مع اللوغة لعربية فيها. الزوبن فالهمزة عل باقي لحروف لخرا انها هي حرف وحركة فنفس لوقت وهكدا تتكتب باشكال مختلفة عل حساب لاعراب ديالها. لهمزة تتكتب عل السطر او فوق لالف او تحت لالف او فوق اليا وتقدر تكون ممدودة: ئ، ـئـ، أ، إ، ء، ..
كان هدا التعريف دلهمزة فاللوغة، هاد لمتيازات دالهمزة لي تقدر تجي فاشكال مختلفة، عطا لكلمة همزة معنا تاني فاللوغة لمغربية ولي تيقصد بها، فرصة، ضربة، امكانية دالربح لكتير، الزهر. وهكدا تنقولو دبرت عل واحد الهمزة ولي فالغالب تتكون سلعة بتمن رخيص او خدمة زوينة. لهمزة تتقال عموما لحاجة لي تيكون فيها الربح سريع وبلا عداب.
وفنفس الوقت كاين لي تنسميوه همزة خاوية، ولي فالضاهر ديالها تتبان همزة ولكن ماتيطلع منها تا ربح وتنقولو هادي همزة خاوية. وديما باش نبقاو فاللوغة فالهمزة لخاية فاللوغة هي فين لهمزة تتقلب او تتنطق واو او يا وماتتنطقش فالكلمة وتنقولو عليها همزة خاوية. كان هدا منين جا تعريف لهمزة فاللوغة لمغربية. هاد لهمزة لي تقدر تكون عامرة وفيها ربح وافادة او تطلع غا همزة خاوية ماماش.
QR، كود لهمزة
| QR، كود لهمزة |
 |
Author: hespress
كلشي عل المغرب
مجهود أكثر من رائع تستحق عليه كل التقدير ، كنت أتمنى أن تزيد من التركيز على العبارات الاصطلاحية المغربية الصرفة على شاكلة تبياع العجل فهذا النوع من العبارات يصعب على محبي تعلم الدارجة معرفة معناها وأشكرك مرة أخرى وأتمنى لك التوفيق
نشاعلاه غانديرو كلشي، اي حاجة مغربية او عندها علاقة بالمغرب.
هل يمكنك أن تشرح لنا معنى عبارة .. هودنا الفوندو ؟
أشكرك وأتمنى لك كل التوفيق
ماذا تقصد المرأة المغربية عندما تقول .. دعيتك لبا اللي في القبر ؟