كرموس

كرموس

كرموس وبالتعريف لكرموس وبالنگليزية Fig، فاللوغة لمغربية تيتقصد بها فروي تينبت فلمغرب وفاغلب دول البحر لابيض المتوسط وتينبت تا فبلدان خرا او تستوطن فهاد البلدان بحال غرب اسيا وولاية كاليفورنيا فميريكان. الكرموس تيوجد فترات مختلفة من ابريل تا شتنبر عل حساب الجو ولمنطقة، وفيه عدد من لانواع ولالوان من لكحل تا لخضر. وشجرة لكرموس كاين لي تيسميها لكرموسة وكاين لي تيسمها لكرمة ولجمع لكرم، من النوع لي تيطيح لوراق فلخريف وتتصبر الجفاف تقدر تعيش بقليل دلما واخا قلتو تتأثر عل انتاج الفروي.

ولكرموس تيتكال اما فريش او ناشف ومجفف ومشمش ولي تيتسما الشريحة ولي هي الطريقة باش تيتخزن لمدة طويلة. وشجرة لكرموس تدير جوج انتاجات فلعام، لانتاج اللولة تيكون بكري وتيتسمى الباكور وماتطولش مودتو اسبوع او جوج ولمحصول العادي ولي يقدر يبقا تا لشهر دلانتاج ولي تيكون من بعد شهر عل محصول الباكور. ماكاينش فرق بين الباكور ولكرموس لا فلمداق او الشكل.
,

وفالتقافة الشعبية لمغربية، واخا لكرموس حلو وبنين ولاغلبية تيعجبهوم وتايكلوه بكثرة فوقتو، غالبا ملي تيتستعمل فلمجاز تيقصدو به شي حاجة ناقصة شي خدمة ماشي هي هاديك. مثلا يقلك شي واحد اش هاد لكرموس عل شي خدمة او اش هاد لباكور فتتعني ان لخدمة ماشي هي هاديك وما زويناش.

ورقة تقنية عل لكرموس

ولكرموس تيتكون من 79 فلمية من لما و 19 فلمية هيدروكاربونات و 1 فلمية بروتينات و 14 فلمية فيبرات و 74 كيلوكالوري طاقة فكل 100 گرام او 310 كيلوجول.

لكرموس
الرمز لمغربي MM
mm6920
لقيمة لغدائية فكل 100 گرام
طاقة	310 كيلو جول (74 كيلو كالوري)
هيدرو كاربونات	19.2 گرام
سكر	16.3 گرام
فبرات	3 گرام
دهون	0.3 گرام
بورتينات	0.8 گرام
فيتامينات	نسبة كمية
فيتامين A	1% 7 ميكرو گرام
فيتامين B6	8% 0.1 ميليگرام
فيتامين C	2% 2 ميليگرام
فيتامين E	1% 0.11 ميليگرام
فيتامين K	4% 4.7 ميكرو گرام
لمعادن	نسبة ماوية لقيمة من 100 گرام
كالسيوم	4% 35 ميليگرام
لحديد	3% 0.4 ميليگرام
لمانزيوم	5% 17 ميليگرام
مانگنيز	6% 0.13 ميليگرام
فوسفاط	2% 14 ميليگرام
بوطاسيو	5% 232 ميليگرام
صوديوم	0% 1 ميليگرام
زنگ	2% 0.15 ميليگرام
مكونات خرا	لقيمة
لما	79 گرام

منتوج لكرموس فالعالم

الدولة	شحال من طون
تركيا	320,000
ميصر	201,212
لمغرب	144,246
دزاير	116,143
ايران	107,791
سبانيا	59,900
سوريا	46,502
ميريكان	27,084
البانيا	21,889
ليونان	19,840
لبرازيل	19,601
لعالم	1,264,943

QR، كود لكرموس

QR، كود لكرموس