شلال
توضيح: هنا تندويو عل الشلال اللام لوسطية مفتوح ولي هو انية دغسيل ليدين، كنتي تتقلب عل الشلال بالشدة عل اللام شوفو من هنا: الشلال متا شلال اوزود.
شلال ولجمع شلالات بالفتحة عل اللام لوسطاني، هو انية تتستعمل فلمعرب باش تيغسلو يديهوم قبل لماكلة. والشلال تيتكون من غلاي او مقراج وگلاس فين تيتقطر لما دالغسيل عندو غلاقة فيها تقابي تيهبط منها لما للكلاص. وعادة الشلال تيكون واحد مكلف تيكوب لما عل يدين وتيدور عل كل فرد فالگلسة. حاليا نقصات هاد لعادة عملا بمقولة لي تتقول لي جا عند حبابو ينوض اللابابو. والعادة مازالة فالحفلات والتجمعات لي تيكونو فيها الناس مخلطين عل شي زردة. شحال هادا كان تيكون من النحاس وحاليا ولاو من لامانيو او معدن رخيص او كل واحد تيمشي مع قياس برادو. شحال هادا، كانت كل دار الشلال ضروري يكون فيها. وفالغالب ملي تيدور الشلال تيبداو بالشخص لكبير دالعائلة يا فالعمر يا فالقيمة.
والشلال جاية من فعل شلل، ولي تتعني لغسلة اللخرة للنقاوة، او هي كلمة محترمة للغسيل، حيث لغسيل مرتبط بتحياد لوسخ فالوقت لي التشلال فقط لتاكد ماكاينش وسخ وربما هدا السباب لاش تسما شلال ولعملية تشلل ليدين. تنقولو جيب للناس ايشللو يديهوم، ماشي يغسلو ايديهوم.
صور لشلالات مغربية
QR، كود الشلال
| QR، كود الشلال |
 |
Author: hespress
كلشي عل المغرب
قم بكتابة اول تعليق