شحال هادا

شحال هادا

الكلمة	شحال هادا
المنطقة	لمغرب
الصفة
لفيعل
بالنگليزية
الرمز المغربي MM	mm6844

شحال هادا، كلمة مركبة فاللوغة لمغربية وتتعني:

• لكان السؤال وتتشور عل شي حاجة باغي تشريها، هنا تيكون لمقصود تسول عل تمن الحاجة لي تتشور ليها او تتوريها. وهادي تتستعمل فالسوق او لمارشي او شي بلاصة دالبيع والشرا.
• شحال هادا لتقالت سؤال عل لوقت، تيتقصد بها لمدة دالحاجة لي تتسول عليها. بحال لسولتي شحال هادا باش جيتي. هنا لمقصود لمدة باش جيتي. او شحال هادا وبوشتى فلحبس؟ تيكون لمقصود لمدة لي بوشتى راه فلحبس.
• شحال هادا، ملي تتكون عبارة عل جواب. هنا تيكون لمقصودة من مدة. ولي تقدر تقلب تا فالنوطق وتيبقا نفس لمعنى ونقولو هادا شحال. ولمقصود بها هادي مدة ولي مامحدداش بالضبط شحال هيا، غا هي تتعني مدة كبر من لمدة لمتوقعة فراس لي سول. فهاد لحالة تنطول شوية نوطق فلالف لمدودة لي من بعدالشين. بهاد الشكل: شحااال هادا.

معاني خرا لشحال هادا

معاني قريبة لشحال هادا دلحالة التالتة

• هادي مدة
• هادي شحال
• من قبيلة
• خير الله هادي

شحال هادا بلوغات خرا

عل شكل:	لمغربية	نگليزية	Format
سؤال	شحال هادا؟	how much is it?	Question
جواب	شحال هادا	long time ago.	Answer

QR، كود شحال هادا

QR، كود شحال هادا