سطل

سطل

سطل وبالنگليزية Bucket، ولجمع سطولة Buckets وتصغير ديالو سطيلة “ماشي سطيلة نوع دالفراخ” او سطييل، فلوغة لمغربية، هو اناء تيتستعمل لتخزين السوائل غالبا. شحال هدا كان السطل تيكون من لحديد او القزدير وحاليا لاغلبية دالسطولة تيتصاوبو من لبلاستيك. وفترة معينة كانو يتصايبو من لكاوتشو او من لبنوات دالروايض، ولي كان يتسما او مازال يتسمى القوب ولي تيتستعلو خاصة فالحمامات كيفما كانو يتصاوبو من لخشب ولي غالبا تيتستعملو دلوات فالبير. احجام دالسطل تتختلف عل حساب لاش محتاجينها وايضا ماعندهاش لون محدد تتلقا فجيمع لالوان خاصة لبلاستيكية من غير القوب لي لونو كحل لون لبنوات دالروايض. والسطل تيتكون من لخزان ومن يد لي تتستعمل باش يتهز ولي تتكون اما من لحديد او شريط او كوردة.

ومصطلح السطل فالمغربية تيتسعمل فالمجاز للشخص لمحلخ او البليد. تنقولو فلان سطل ولي تيعني فهامتو ضعيفة. او فلان مسطل ولي تيكمي الزطلة ولحشيش بالزيادة تا ماتيبقاش شميز.

سطل بلغات خرا

لوغة	لمغربية	لنجليزية	لفرنساوية
	سطل	Bucket	seau
لجمع	سطولة	Buckets	seaux
نوطق	setel	بوكيت	صو

QR، كود سطل

QR، كود سطل