زگل

زگل

لموضوع	لوغة مغربية
كلمة	زگل
مصدر	زگال
الصفة	فيعل
نگليزية	ميس / mess
الرمز لمغربي MM	mm8368

زگل وتتنطق zguel او زكل للي ماتينطقش ال “گ” وبالنگليزية تقدر تجي بمعنا mess، كلمة فاللوغة لمغربية وهي فيعل وتتصرف فجميع لبيرسونيلات. وهكدا نقدرو نقولو زگل، زگلت، زگلو، زگلنا … ، وتتجي بمعاني مختلفة عل حساب السياق وتتادي نفس لمعنا. نقولو بدر بانون زگل ضربة لجزاء مع سبنيا يعني مامركاهاش او زگلها او ضيعها. شيرت عل فلان بحجرة وزكلتو، يعني ماقصتوش، او مشيت عند فلان وزگلتو وتتعني ملي وصلت لعندو للدار هو كان خارج ومالقيتوش.. ونقدرو نقولو زگلتو عل شوية بمعني كان خرج من الدار بمدة قليلة قبل مانوصل. وتقدر تجي بمعنا مانقيلش مانتفاكش، متلا تقول عل شي واحد والله مانزگلو يعني مانتفرق معاه او مانقيلو تاناخد شنو باغي من شي واحد.
وكاين فيها لمصدر زگال، وتيتقصد بها الواحد لي ماتيكملش شي مهمة او ماتيديرهاش مقادة.

صرف

زگل، زگلت، گلات، زگلو، زگلنا، زگلتو، نزگل، تزگل، يزگل، يزگلو، نزگلو….

امتلة:

• بدر بانون زگل لبينانتي مع سبانيا : بمعنا ضيع
• بوشتا مشا يصيد وتيرا عل لرنب وزگلها : ماقاسهاش
• لمتيحان كان صعيب، زگلت هاد لعام : بمعنا ضيعت
• عيشة تزوجات، بوشتا زگل ها : بمعنا ضيعها

QR، كود زگل

QR، كود زگل