شريط الأخبار

الزامل

الرمز المختصر للمعلومة فقاعدة البيانات MM2646

2020-02-04 hespress اشتتعني 0

الزامل

الزامل والجمع زوامل باللغة النكليزية gay والجمع gays وبالعربية مثلي او شاد جنسي فاللغة المغربية هو لي تتكون عندو ميول يمارس الجنس مع الدكورة. والشائع فالمغرب ان الزامل هو لي تيتمارس عليه الجنس لدرجة يقدر واحد يحوي زامل وغيعتبر راسو انسان عادي او ربما ولا راجل اكثر بالفعل ديالو هدا ولي تيختلف عل المفهوم العام دالزوامل عالميا ولي هو سوا مارستي الجنس مع ذكر او تمارس عليك فراك زامل. وفالمغرب الحدود هاد اللحضة الكلمة تتعتبر معيورة وفالغالب من الكلمات الممنوعة تقال قدام شي حد تتحترمو او العائلة.

والمصدر ديالها التزوميل والزملة gayism ولي هو لي تيدير حركات او افعال او كلام ماشي عادي. والكلمة تقدر تتستعمل فوصف شي واحد لي تيدير حوايج بطريقة ملوية وفهاد الحالة ماتتكون عندها تا علاقة بالجتس او الممارسة الجنسة. متلا شي واحد غا يبقا يتبرهش فوقت المعقول تقدر تقلو ترجل معانا وباركا من التزويل.

الاصل دالكلمة، يقدر ايكون من الجزائر. ميليشات الزمول لي كانت تتنوب عل الاتراك فتاديب التوار او المعارضين للحكم التركي. وكان العضو المنتمي لهاد الملشيات او المجموعة تيتسمى زامل حيث تينتمي للزمول وكانو يقصدو بها الشخص لي باع شرفو للاتراك.

من المرادفات لي تقدر تعني نفس المعني : لواطي، من قوم لوط، لوبيا، مسيكة

هدا مقتطف عن اصل الكلمة