لحنة

لحنة

لحنة وبالنگليزية Henna وبالعربية الحناء، هي صباغة تتنتج من نبتة لحنة. لحنة ضهرات من بكري، عرفوها لفراعنة وسكان شبه لجزيرة لعربية ولهند لالاف السنين وكانت تتستعمل فصباغة الشعر ولجلد ليدين والرجلين والضفار. فلمغرب لحنة اغلبيتها تتنتج فمنطقة لجنوب الشرقي. وشجرة او نبتة لحنة تتعيش مابين 3 تا لعشر سنين وهي من نباتات لي تتبقا خضرة عل طول لعام والطول ديالها تيكون مابين جوج مترو تا ال 6 مترو. ولحنة ماتتطلق لونها تا تتخلط مع شي ليكيد ولي غالبا تيكون لما مخلط بليكدات خرا بحال لحمامض.

علاش لحنة تتلون

لحنة فيها مكون دصباغة ولي هي مادة عضوية تتسمى لوسونيا لي تتنقل لونها للحاجة لي تتلصق بها، حجرة، توب، يد، شعر. هاد اللون لي تيبقا باين لمدة 3 دلاسابع او قل. صيغة جزيئة ملون لحنة: C₁₀H₆O₃ ولي مكونة من 10 ددرات كاربون و 6 هيدرودين و 3 اوكسيجين.

فورميلا دلوسونيا لمادة لملونة فلحنة

لحنة فالتقافة الشعبية

لحنة عرفاتها عدد من الشعوب من لفراعنة فمصر تا لجزيرة لعربية وتا الهند. فالمغرب عندها ايضا طقوسها لخاصة فالمناسبات ولاعياد، وفالزواج ايضا كاين نهار خاص بها، ولي هو نهار لحنة فين لعروسة مع صحاباتها وعائلتها تيخصصو نهار تيحنيو فيه مجموعين. ولحنة باش تطلق لوها ضروري يخصها تتدق وتخلط بلما، لعملية لي تتيهل طرونسفيري لملون منها لليد او الرجل لو لحية فين تيستعملوها لبعض كسنة نبوية.
طبعا، ماشي كلشي زوين فلحنة، فلحنة فيها مادة فسفورية تتأثر عل الناس لي عندهوم حساسية من سداسي لفوسفور وخاصة الدكور من غير لاناث.

ورقة تقنية عل لحنة

حناء
تصنيف	گنس
تصنيف لعلمي
مملكة لعالية	حقيقيات النوى
مملكة	نباتات
عويلم	نباتات ملوية
عويلم	نباتات جنينية
شعبة	نباتات وعائية
كتيبة	زريعية
گنس	Lawsonia لوسونيا
السمية لعلمية
Lawsonia inermis كارولوس لينيوس  ، 1753

QR ، كود لحنة

QR ، كود لحنة