المركب الرياضي محمد الخامس بالحروف اللاتنية Stade Mohammed-V، هو مركب رياضي بمدينة الدار البيضاء. تيستعملوه فريق الوداد البيضاوي والرجاء البيضاوي لاستقبال الفرق المنافسة الوطنية فالدوري المغربي او الفرق الدولية فالمقابلات الدولية. الملعب تبنا فالفترة بين 1953 و 1955 وتدشن رسمي ف 6 مارس 1955 بسمية مارسيل سردان وكانت الطاقة الاستعابية ديالو 30 الف متفرج ولي تحولات لملعب الشرف ف 1956 من بعد الاستقلال ومن بعد الاصلاح ديالو ف 1983 تعاود تفتح بسمية ملعب محمد الخامس و الطاقة الاستعابية دالملعب 45.891 بلا حساب جهة الجنوبية “الماگنة” وجهة الشمالية “كورفا نور” وعندو 24 باب للدخول والخروج. المركب تيتوجد فمركز مدينة الدار البيضاء وفملكية بلدية الدار البيضاء.
المركب حاليا من غير ملعب كرة القدم فيه قاعة للرياضات ب 12 الف كرسي لرياضات اخرى بحال الباسكيت وقاعة للاعلاميين ب 3325 كرسي وكراسي فيب للشخصيات ب 500 مقعد وقاعة دالاجتماعات ومسبح بلدي.
والملعب تيبعد عل مركز الحي الحسني ب 3.6 كلم او 9 ددقايق بالطونوبيل او 46 دقيقة مشي وتيبعد عل الحي المحمدي ب 9.3 كلم ومدة 22 دقيقة بالطونوبيل عبر شارع الجيش الملكي او ساعة و56 دقيقة مشي ومسافة 8.7 كلم عبر شارع ابن تاشفين. وتيبعد عل مركز المعاريف ب 2.9 كلم و38 دقيقة مشي عبر زنقة سقراط وشارع انوال ومسافة 3.2 كلم ومدة سفر بالطزنزبيل 9 ددقايق عبر زنقة سقراط. والمسافة لي تيبعد بها مركب محمد الخامس عل مطار محمد الخامس هي 30.2 كلم ومدة سفر 32 دقيقة عبر الطريق الوطنية N1.
Author: hespress
كلشي عل المغرب
قم بكتابة اول تعليق