كلمات لوكان الواقع لوحة مسلم

الرمز المختصر للمعلومة فقاعدة البيانات MM6998







كلمات لوكان الواقع لوحة مسلم

العنوانلوكان الواقع لوحة
كلماتمسلم
لحنمسلم
غناءمسلم
تاريخ الاصدار2008
الرمز المغربي Mmmm6998

لكل مغاربة لي فلكون….السلام عليكم
معاكم مسلم المتمرد حتى لكفن ييه…
واش آعشيري…تخيل معيا الواقع فحال شي لوحة وأنا الرسام
تخيل معيا شني نقدر نرسم آلخاوة ديالى
ييه

لوكان الواقع لوحة لو كنت أنا الرسام
نرسم بكل الألوان نرسم كل الأحلام
نرسم من طنجة حتى لڭويرة كلشى هايز لعلام
نرسم بلادي زادت ألف خطوة للقدام
نرسم شحال من مدرسة أطفال فيدمهم لقلام
كولشي قاري و خدام ….الأمية غير أوهام
البطالة غير كلام فلسان الناس لقدام
لاسرقة لا إجرام…الوقار ولإحترام
نرسم سبيطرات كبار دلعين فكل مكان
دكاترة بزاف والشعب يداوا بالمجان
نرسم البرلمان وناس فيهم الأمان
خدامين نهار وليل باش أنا نعيش مزيان
نرسم ولد الدريوش يقرى مع ولد فلان
ولفرق لكين بينتم فنقطة دالإمتيحان
نرسم عيون بلا دموع وقلوب بلا أحزان
نرسم و نزيد نرسم مادام عندي الألوان

نرســـــم نهار وليل…نرســــم أحـــلامــي ألوان تسيل
حـتي إذا كان لـون قلـيل… نرسم بـدمي حـتى نـآخر ميـل

نرسم أخر طفل خارج من دار اليتامة
شبرين فيدو ناس رسمو على وجهو الإبتسامة
نرسم أخر طفلة كانت فالديور خدامة
ودابا في يدا الكتوب ومشيا تقرا بكل كرامة
ونرسم شوارع كبار…فضاءات لي الترفيه
فكل حومة نرسم ملعب ودراري يلعبوا فيه
نرسم كورنيش طويل بلا كزينو وبلا بار
نرسم شحال من جامع مفتوح ليل ونهار
نرسم بنت بلادي ساترة راسها بالحجاب
نرسم شاب ناوي الخير قاصد الباب
نرسم طريق ما فيها زبل وما فيها حفاري
نرسم مواطن غير طاح والإسعاف ماجي جاري
نرسم درويش خارج من السوق بالقوفة عامرة
راجاع ندارو يضحك الباراكة باقا حاضرة
نرسم المسكين خلص الضاو والماء وخرج نشطان
ونرسم جار فرحان حيت جارو بات شبعان

نرسم حوانت نلي رزقو مفرش غير فالأرض
ملاجئ نلي ناعس فالبرودا ومغطي بالبرد
نرسم ديور نلي باقي ساكنين غير فالبرارك
نرسم مشروع نلي باقي يفكر يمشي حارك
نرسم مدير دالحبس مهلي فالحباسا
مسجون فيدو ديبلوم فالمجتمع عندو بلاسة
نرسم فكل الحوام سبيطار للمدمنين
نرسم المحسنين يعطيو حق المساكين
نرسم ناس من جميع الفئات كولشي ماشي يصوت
نرسم المظلوم يرجعلوا حقو بلا ميغوت
نرسم موظف عادي قادر يعيش أسرة
ونرسم الزبال يتخلص أحسن أجرة
نرسم مغربي مغرب وعندو المغرب فالدم
نرسم بلادي معولة على لي باغي يخدم
ونرسم رسام رسم راسو يحلم بلي بلادو لوحة وباغي غي يرسم

QR، كود لوكان العالم لوحة

QR، كود لوكان العالم لوحة
تعليق الفايس بوك
hespress
Author: hespress

كلشي عل المغرب




About hespress 8478 Articles
كلشي عل المغرب

قم بكتابة اول تعليق

Leave a Reply

لن يتم نشر بريدك الالكتروني في اللعن


*