عبد الوهاب الدكالي
سخا بدقيقة أو اثنين من وقتك الغالي
ياغالي
ولا شفت دمعة العين اعذرني
لا تسألني مالي
أنا ليك هذي سنين
وانت وقتاش تكون ديالي
ياغالي
حبيبي هذا هو السؤال اللي محيرني
ليلي ونهاري
واسمح لي كان لازم يتقال
وميبقى سر من أسراري
بادر جاوبني في الحال
وبرد شوية من ناري
حتى لين هاذ الجفا
حتى لين هاذ الصدود
مريضك ميمكن يتشافى
واشواقو ترحل وتعود
ارحمني جوي ما يصفى
حتى تعطف انت وتجود
سيدي لو كان الوقت يطول
وتسمح لي بالحديث
نصول في الحكاية ونجول
وننظم فيها ألف بيت وبيت
ونبدع في المعنى ونقول
ياكاس حلو فيك تبليت
والباقي كمل من عقلك
يا عيني
حكم أنا باحكامك راضي
واخا تظلمني نسامح ليك
نموت أنا ويعيش القاضي
بسواد عيونك نحلف ليك
بلي قلبي في غرامك ماضي
تعليق الفايس بوك
Author: hespress
كلشي عل المغرب
قم بكتابة اول تعليق