كلمات انا يا سيدي محمد الجلالي

كلمات انا يا سيدي محمد الجلالي

كلمات انا يا سيدي تاريخ الانتاج 1967. كاتب الكلمات: احمد الطيب لعلج الحان وغناء: محمد الجلالي

---

كنت دري مازال صغير بالعقل مانعرف اش اندير
كان بويا راجل صالح يخلف خلفة ويطيح
كان عندو سبع صنايع ويقولو رزقو ضايع
كان مبلي بزوج طلق حتى تكنى عمي لحمق
وصبح مضرب لمثال فالطلاق والزواج الحلال
ملي ولدني ثبت ورسا مع مي وسماني موسى
وفالسبوع اختفل بيا شرا لمي شي فوقية
حالف غير الا قراني باش نرجع بحال قراني

بغيت نتكلم قال ليا زيد شدني وداني المسيد
شفت الفقيه وننعرفو گال ليا سلم عل طرفو

بستها وانيا حشمان كان جبني شاخد عرقان
گالو بويا يا لفقيه جبتلك الولد باش تقريه
الا تفافا گالو لعصا ماتخليش من يعصى
غير دبح وسلخ وكفن وصيفطو لي انا ندفن
وصاه يتهلى فيا بالعصا عل رجليا

زاد عندو مدلو لفتوح والفقيه رجعت فيه الروح
گالو الا الملتقى والا تفافا ها الفالاقا
تاخرج وبديت انخمم بالعصا اشيمكن لي نفهم
تاكنفتني هاد الهضرة وما تلا ليا مانقرا
الخوف عما ليا لبصيرة وبقيت گاعد عل الحصيرة
وماقضيت الفرزية صبح وعشية
بقيت فالجامع تمن سنين كيف لحمار بلا ودنين
زعف لفقيه عمي موحى وشير عليا باللوحة
خرجت بجبهتي مشقوقة وتجمعت عليا جوقة
جا المقدم والعساع قال دري، مافيها باس

صبحت نخدم عند الخراز باش مانكبرشي معگاز
كنت نتعلم ونجتهد تنخدم بالجمعة والعيد
ملي تعلمت هاد الصنعة بديت نتخلص بالجمعة
جا لمعلم رحمه الله خاد ليا رزقي وداه
ارانا قبل منكبر كان عندي واحد لمجر
جمعت فيه فلوس كتافي وطار لي بهم الوافي
ملي كبرت وليت معلم مابقيتشي نرضا نخدم
عملت سبعة ددالخدامة وجوج متعلمين يتاما
زيان حالي وكسبت المال قلت نتزوج فالحلال
خطبت بنت الحاج حميدة القارية لالا سعيدة

زيان حالي وكسبت المال قلت نتزوج فالحلال
خطبت بنت الحاج حميدة القارية لالا سعيدة
بنت فنة وشفوفية ياخوتي وايني هي
وزايدها بالتقافة والصواب ومع اللطافة
الصواب والادب والعقل والشعر ذهبي مخبل
والزاز متعدي لحدود والحشمة والعقل والجود

طلب باها 100 الف ريال نص مليون بلا تعطال
وگال ليا كلمة وحدة غير خمم ورجع غدا
صداق بنتي ثمن محدود غير كون دغري واجي گود
ودير هادي فبالك وزيد راه تيخطبها فريد
ورانيا طالب لو مليون باش تعرفني اش نكون
ويلا بغيت ختها خدوج غير عشرين الف بالزوج
گالي بالسرعة خمم الا تعطلت راك تندم
خفت نزهق يمشي فريد يفوز لي بها ويزيد
مانفعني غير نأدي لي طلب ونفرح خدي
دفعتلو ميات الف وبكيت عل الفراق انا ماقديت

---

QR، كود كلمات انا يا سيدي

QR، كود كلمات انا يا سيدي

الرمز المغربي MM

mm3376

---