كلمات المدينة القدية نعمان لحلو

كلمات اغنية لمدينة لقديمة

العنوان	لمدينة لقديمة
كلمات:	نعمان لحلو
الحان	نعمان لحلو
غناء	نعمان لحلو
الرمز المغربي MM	mm2201

واش عقلتي على ديك الدار دالمدينة لقديمة
واش عقلتي على ديك الدار دالمدينة لقديمة

والدنيا وشحال كان عليها دلقيمة
وحومة وجيران ونخوة دناس زمان
كانت الحياة بسيطة وكانت الفرحة ديما
وديما ديما ديما
وديما ديما ديما
هديك الصورة مازال في عيني غير البارح
دكريات كيف كانت لمدينة وكيف ولات

واش عقلتي على داك الدار لمدينة لقديمة

رحبة باسقاية عقلت عليها ؟ لي كانت في جنب الواد
كثروا لمعامل فيها……. كثروا لمعامل فيها
وتبدل لون الواد وقالو؟ والله أعلم بسبابو مرضو لولاد وبسبابو خوات الرحبة والحومة وماليها…

واش عقلتي على داك الدار دالمدينة لقديمة

ولمسيـــد هداك لمســيد لي مور درب
لي ضيق وصغير ومنو يمكن ليك تخرج لجامع لكبير
ولفقيـــه مول لبشارة..؟
اللــه يـولـيه بالخـيــر
اللــه يـولـيه بالخـيــر

هداك لمسيــد السيدي زال ..زال وبناو مكانو عمارة
وكلشي بالأجل’ ولا جيت تشوف ههه راه بحال بحال
لمسيــد أو العمارة المهم مازال الدرب أو مازال
الجامع لكبير أو مازال الجامع لكبير

واش عقلتي على داك الدار دالمدينة لقديمة

هديك الدار لكبيرة فراس الحومة ؟ تعقل على شامة؟
لــي كانت ساكنة تــما،
دابا هديك الدار وقع عليها لغيار
وقسموها بيوت بيوت ومن بعد تنادم معهم الحال.. الحــال..
ولكن حتى فات الفوت الدار تباعت مقسومة هكداك بيوت بيوت …
وفين مشو لخوت وفينك يا شامة ؟

واش عقلتي على داك الدار دالمدينة لقديمة

واحد النهار دخلت مع لقواس
فوق الشجرة التوت لي واصلــ للقرمود
شفت حمامة خداتني لحمامة
وتهت فدوامة د الماضي والي فات..
د الماضي والي فات

وشوية لحمامة دوات ايه ادوت أوقالت ليا ..
هداك الواد الهايج الدار لي بناو حداه كانت دار بلارج موقفينها عليه حبوس
وكــان الداخل والخارج وكنا عايشين معه أو ماكنشي كلشي فلوس..
أو كانوا لجواد تيجيونا حتى لواد
وجيبوا لينا لحوايج و القوت والزاد و بلفرحة فالنفوس ..
واحد النهار هبطوا لبنات أو لولاد يلعبو فجنب الواد
واحد من لولاد ضرب بلارج بحجرة
طار بلارج أوغاب بلارج أو غابوا لجواد

دابا الا سولني ولدي .. الا سولني ولدي.؟
أش غنقوليه ؟
نقوليه بلي.. نسينا شكون حنا أو ماضينا أو حضرتنا ..
أو نكذب عليه ..
غدي نقوليه ونعاود أو نعتارف أو نرتاح أو نسلم ليه المفتاح
واللــه علي شـــــــــــاهـــــــــــد…
حنا جيل اليوم غريب.. غريب.. غريب ..
غمضنا عنينا وظلمنا لمدينة أو خنا لحبيب ..
بنينا فيها عمارات كلها فالليل تبنات بالسرعة قدامت ورشات..
حيت فالأصل مغشوشة … أوحيت فالأصل مغشوشة

غدي نقوليه أنا عندي فيك أمل أنت وجيل الأمل
آمكن تلقاو الحل باش المــا يرجع الونو
أو لفقيه مول لبشارة يرجع لمسيد يصونو
أو يرجع بلارج للواد الهايج أو ترجع شامة..
أو ترجع شامة أو ترجع حليمة

واش عقلتي على داك الدار لمدينة لقديمة.. لمدينة لقديمة

واش عقلتي على داك الدار لمدينة لقديمة
واش عقلتي على داك الدار لمدينة لقديمة

---

سمع لاغنية لمدينة لقديمة

نعمان لحلو لمدينة لقديمة

QR، كود كلمات المدينة لقديمة

QR، كود كلمات المدينة لقديمة

---