كلمات حضي راسك لا يفوزو بيك القومان للحسين السلاوي
| العنوان | حضي راسك ليفوزو بيك |
| الكاتب | الحسين السلاوي |
| اللحن | الحسين السلاوي |
| غناء | الحسين السلاوي |
| الرمز المغربي MM | mm5092 |
حضي راسك لا يفوزو بيك القومان يا فلان
درنا البونات كاملين
ناس ورجال مصافين
درنا البونات كاملين
ناس ورجال مصافين
عل الزيت اش مدابزين
لمسكين هو ونسيبتو
لصگع تهرست قريعتو
من عندو زويتة يسلفو
تا من گويرو مكيفو
بغا يضيعو فنوبتو
بالبونية رعفو
بشمال الكلب طيحو
الگزارة مجبدين
ماللفوق تلگاه مگردين
ماللتحت داير عضمتين
عطي لفلان بالسلام
وعطي لمقدم بالتمام
ناس الحومة كاملين
دراويش بحالي كاينين
واخا يقبطو لمسلمين
بشنتيفة يسلفو
مشا عند مريتو
قالتلو يا عيفت الرجال
مالك جبتي الگفة خاوية
سير عند لمخاشفة
شكوناهوما لمخاشفة؟
لي يبعو الراس مع الكرشة
هو يعبر وانت عزل
ليعملك منخار لعجل
تبقا فالطجين تدور
وتصبحنا بلا فطور
آو حضي راسك ليفوزو بيك القومان يا فلان
مالين النعناع مطورين
الربيطة فيها ورقتين
مالين النعناع مطورين
الربيطة فيها ورقتين
ويقليك ريال يا فلان
هزها ولا حطها
ويزيد عليك بلمعيار
آو حضي راسك ليفوزو بيك القومان يا فلان
لعروبية مجبدين
جابو الداج كامين
لعروبية مجبدين
جابو الداج كامين
فالمارشي راهوم گاعدين
بان ليهوم واحد لمديني
تيتسلت بقفيفتو
قاليهوم بشحال الداج
قالو لو طناش الريال
تبيعو لمارشي نوار
نجيب لكوم لبوليس بالبلان
نطلعوها لميزان
نشوفوها شحال سوات فالثمن
لعروبية مقشفة
داجي مزيان بالبلان
فيها بيضتين يا فلان
لمديني عل نيتو
تيعمل صبعو فكرشها
مايجبد الا سلتها.
آو حضي راسك ليفوزو بيك القومان يا فلان
سمع لاغنية حضي راسك بصوت الحسين السلاوي
QR، كود كلمات حضي راسك ليفوزو بيك القومان يا فلان
 |
Author: hespress
كلشي عل المغرب
قم بكتابة اول تعليق